रवि लामिछानेलाई पक्राउ गर्न लागिएको भन्दै पोखरामा रास्वपाको विरोध प्रदर्शन

राजनीति

नेपाल लाइभ सोमबार, असोज ७, २०८१ ११:५६

कास्की– राष्ट्रिय स्वतन्त्र पार्टी (रास्वपा) का कार्यकर्ताहरूले पोखरामा प्रदर्शन गरेका छन्। पोखराको शहीद चोकमा सोमबार रास्वपा कार्यकर्ताहरूले सभापति रवि लामिछानेलाई सरकारले पक्राउ गर्न लागेको भन्दै विरोध प्रदर्शन गरेका हुन्।

‘सरकारको षड्यन्त्रविरूद्ध भण्डाफोर गरौं, सहकारी पीडितलाई न्याय देऊ’ जस्ता प्लाकार्डसहित उनीहरूले प्रदर्शन गरेका छन्।

गोर्खा मिडिया प्रालि निजी कम्पनी भएको र त्यसमा बदमासी भए सरकारले नभई सञ्चालकहरूले उजुरी हाल्नुपर्ने तर्क कोण सभामा बोलेका रास्वपा गण्डकीका नेताहरूको भनाइ थियो।

रास्वपा सभापति लामिछाने गोर्खा मिडियाको प्रबन्ध निर्देशक थिए। विभिन्न सहकारीबाट ६५ करोड रुपैयाँ बचत गोर्खा मिडियामा आएको ठहर गर्दै संसदीय छानबिन विशेष समितिले लामिछानेलाई पनि कारबाही सिफारिस गरेको थियो।

गोर्खा मिडियाका तत्कालीन सञ्चालकमध्ये एक, पूर्वडिआइजी छविलाल जोशीलाई प्रहरीले आइतबार काठमाडौंबाट पक्राउ गरी पोखरा लगेको थियो। त्यसपछि रास्वपा केन्द्रीय कार्यालय च:मतिमा रास्वपा नेता कार्यकर्ता भेला भएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

‘सही कथा भएमा काठमाडौं मेरा फिल्मको सुटिङ थलो बन्नेछ’

जर्मनीद्वारा युरोपेली सङ्घलाई ट्रम्पको शुल्क तयारी गर्न आग्रह

एक्सन स्पोर्ट्सको युट्युबमा एनपिएल हेर्न सकिने