काठमाडौं- वैदेशिक रोजगारीका लागि खाडीराष्ट्र र मलेसिया पुगेका केही नेपाली मृत्यु मदिरा सेवनका कारण हुने गरेको छ। गत हप्ता मलेसियामा विषाक्त मदिरा सेवनका कारण ९ जना नेपालीले ज्यान गुमाउनु पर्यो भने, मदिरा सेवनकै कारण बिरामी भएका आधा दर्जन नेपाली त्यहाँका विभिन्न उपचाररत छन्।
_x000D_
_x000D_
यो त प्रतिनिधि घटना मात्र हो। कामको खोजीमा विभिन्न देश पुगेका धेरै नेपालीले मदिरा सेवनकै कारण ज्यान गुमाउने गरेका छन्।
_x000D_
_x000D_
वैदेशिक रोजगारीका क्रममा विदेशमा वार्षिक रुपमा करीब १ हजार नेपालीले ज्यान गुमाउने गरेका छन्। जसमा १० प्रतिशतको मृत्यु मदिरा सेवनकै कारण हुने गरेको सरकारी अनुमान छ। सरकारले सचेतना कार्यक्रम ल्याउन नसक्दा कामदारको मृत्यु हुने गरेको हो।
_x000D_
_x000D_
मदिरा सेवनकै कारण धेरै नेपालीले विदेशमा जेल र ब्लडमनी तिर्नेसम्मको सजाय भोग्ने गरेको वैदेशिक रोजगार प्रवद्र्धनको बोर्डको तंथ्याकमा उल्लेख छ।
_x000D_
_x000D_
मदिरा सेवनकै कारण मृत्यु भएको भनेर कतिपय शव नेपाल ल्याउन गाह्रो भएको बोर्डकी सूचना अधिकारी पवित्रा घिमिरेले बताइन्।
_x000D_
_x000D_
मदिरा सेवनकै कारण रोजगारदाता देशमा हुने मृत्युका सम्बन्धमा सरकारले खासै चासो दिन दिएको पाइँदैन।
_x000D_
_x000D_
मलेसियाबाहेक बढी नेपाली कामदार जाने देशमा प्रायः उच्च तापक्रम हुन्छ। ५० डिग्रीसम्म तापक्रम भएका देशमा नेपाली कामदार कामको खोजीमा जाने गरेका छन्।
_x000D_
_x000D_
फिजिसियन डा लोचन कार्कीका अनुसार अत्यधिक रक्सी सेवनले मानिसको ज्यानै जानेसम्मको जोखिम पनि हुन्छ। मानिसले हप्तामा १४ युनिटभन्दा धेरै मदिरा सेवन गर्नु हुदैन भन्ने तथ्य विभिन्न अध्ययनले देखाएको उनको भनाई छ।
_x000D_
_x000D_
‘देश अनुसारको मौसम र तापक्रममा ध्यान नदिई मदिरा सेवन गर्दा मानिसको ज्यान जान सक्छ। प्राय समशीतोष्ण वातावरणमा घुलमिल भएका नेपालीले मरुभुमिमा मदीरा सेवन गर्दा स्वास्थ्यमा गम्भीर असर पर्न सक्छ’ उनले भने। वैदेशिक रोजगारीमा गएका नेपाली युवा मदिरा सेवनकै कारण मृत्यु भएको भन्न नसकिने उनको भनाई छ। तर, कतिपयको कामदारको भने अत्यधिक मदिरा सेवनका कारण मृत्यु हुनसक्ने उनको तर्क छ।
_x000D_
_x000D_
घरायसी मदिरा बढी हानीकारक
_x000D_
कतार, साउदी, बहारइन, मलेसिया र ओमनलगायतका देशमा मदिरा सेवनका कारण धेरै नेपालीको मृत्यु हुने गरेको छ। तर, यसरी मृत्यु भएका कामदारको पोष्टमार्टम रिपोर्टमा भने उक्त कुरा खुल्ने गरेको छैन। उनीहरुको मृत्युलाई प्राकृतिक मृत्यु भन्ने गरिएको छ।
_x000D_
_x000D_
कतिपय नेपालीले विदेशमा समेत आफ्नै कोठामा घरायसी मदिरा बनाएर सेवन गर्ने गरेका छन्। यसरी कोठामा मदिरा बनाएर सेवन गर्दा मृत्युको शिकार बन्ने गरेको मृत्यु भएका कामदारका साथीले बताउने गरेका छन्।
_x000D_
_x000D_
विदेशमा कडा प्रकृतिका लोकल मदिरा सेवन गर्दा नेपालीको ज्यान जाने गरेको हो। कामको चाप र उच्च तापक्रम भएको समयमा मदिरा सेवन गर्दा पनि मृत्यु हुनसक्ने धेरै अध्ययनमा उल्लेख छ।
_x000D_
_x000D_
मदिराका सेवनका कारण अल्सर, टिबी, उदासीनता, चिन्ता, डर, बेहोस हुने, हातखुट्टा काम्ने जस्ता समस्या निम्तिने जोखिम हुन्छ। यसैगरी मानसिक रोगीले मदिरा सेवन गर्दा झन् बढी खतरा हुने डा लोचनको भनाई छ।
_x000D_
_x000D_
मदिरा सेवनका कारण मृत्यु
_x000D_
मदिरा सेवनकै कारण विश्वमा हरेक वर्ष ३० लाखभन्दा बढीले ज्यान गुमाउने गरेका छन्। यो तंथ्याक विश्वभरका एचआभी एड्स, हिंसा र सडक दुर्घटनाका कारण मृत्यु हुने संख्याभन्दा बढी भएको विश्व स्वास्थ्य संगठन (डब्लुएचओ)ले जनाएको छ।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790307658.jpeg)
-1786602170.png)
