हिउँदे अधिवेशनबाट मन्त्रालयसँग सम्बन्धित विधेयकहरु प्रस्तुत हुनेछन्ः मन्त्री पाण्डे

राजनीति

नेपाल लाइभ मंगलबार, असोज १, २०८१ १५:०७

काठमाडौं- संस्कृति पर्यटन तथा नागरिक उड्यन मन्त्री बद्री पाण्डेले संसद्‌को हिउँदे अधिवेशनबाट मन्त्रालय सम्बन्धित ऐनहरु संशोधन हुने बताएका छन्।

मंगलबार नेपाल पर्वतारोहण संघको ३४औं वार्षिक सधारण सभालाई सम्बोधन गर्दै मन्त्री पाण्डेले हाल संसद् अधिवेशन अन्त्य भएकाले आगामी हिउँदे अधिवेन अगावै ऐनहरुलाई मूर्त रुप दिने काम हुने विश्वास व्यक्त गरे।

मन्त्री पाण्डेले भने, ‘हिजो मात्रै संसद्‌को अधिवेशन अन्त्य भएको छ। हामीले पर्यटन, संस्कृति, हवाई उड्यन लगायतका नीतिहरु परिमार्जन गर्न खोजिरहेका छौं। संसद्‌को हिउँदे अधिवेशन सुरु हुनु अगावै नीतिलाई अन्तिम रुप दिनेछौं।’

मन्त्री पाण्डेले नेपाल पर्वतारोहण सम्बन्धी ऐनमा के कहाँ परिमार्जन गर्न सकिन्छ त्यसबारे सुझाव दिन समेत आह्वान गरे। उनले नेपाल एयरलाइन्सलाई चलायमान बनाउन जरुरी रहेको उनको भनाइ थियो।

मन्त्री पाण्डेले मुलुकको स्थायित्वका लागि दुई ठूला दल नेपाली कांग्रेस र नेकपा एमाले मिलेर सरकार बनाउनुपरेको दावी गर्दै भने, ‘नेपाली कांग्रेस र नेकपा एमाले एक ठाउँमा उभिनु सहजता पक्कै पनि होइन। यो स्वभाविक पनि छैन। तर स्थिर सरकार चलाउनका लागि एक ठाउँमा उभिएका हौं।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

‘सही कथा भएमा काठमाडौं मेरा फिल्मको सुटिङ थलो बन्नेछ’

जर्मनीद्वारा युरोपेली सङ्घलाई ट्रम्पको शुल्क तयारी गर्न आग्रह

एक्सन स्पोर्ट्सको युट्युबमा एनपिएल हेर्न सकिने