गण्डकीमा मन्त्रीमण्डल पुनर्गठनपछि वातावरणमन्त्री मनाङेले दिए राजीनामा, मन्त्री पदमा बसेर अल्छी लागेकाले अब आराम गर्ने प्रतिक्रिया

राजनीति

नेपाल लाइभ सोमबार, भदौ १७, २०८१ १६:४४

काठमाडौं– गण्डकी प्रदेश सरकारका वन तथा वातावरणमन्त्री दीपक मनाङेले पदबाट राजीनामा दिएका छन्।

सोमबार एमालेका चार जना मन्त्री थप हुँदै मन्त्रिमण्डल पुनर्गठन भएपछि मन्त्री मनाङेले राजीनामा दिएका हुन्। स्वकीय सचिव सन्तोष अधिकारीमार्फत् मुख्यमन्त्री सुरेन्द्रराज पाण्डेलाई मनाङेले राजीनामा पत्र पठाएका हुन्।

आफू मन्त्री पदमा धेरै बसेको र अल्छी लागेकाले अब आराम गर्नका लागि राजीनामा दिएको बताएका छन्। मन्त्रीमण्डल पुनर्गठनअघि उनी भौतिक पूर्वाधार विकास तथा यातायात व्यवस्था मन्त्री थिए।

वन तथा वातावरण मन्त्रालय पाएपछि असन्तुष्ट बनेका मनाङेले आज राजीनामा दिएका हुन्। यस्तै उनले आफू रहेको वन तथा वातावरण मन्त्रालय अब मनाङबाट निर्वाचित प्रदेश सांसद मुनिन्द्रजंग गुरूङलाई दिन मागसमेत गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्यानडाका अलराउन्डर ठाकरले जनकपुरबाट एनपिएल खेल्ने

परराष्ट्रमन्त्री राणा चीन प्रस्थान

प्रधानमन्त्रीसमक्ष सूचना आयोगको वार्षिकप्रतिवेदन पेस