बंगलादेशजस्तो हुन नेपाल कुनै देशको फोटोकपी मेसिन होइन : प्रधानमन्त्री ओली

राजनीति

नेपाल लाइभ शनिबार, भदौ १५, २०८१ १६:३६

काठमाडौं– प्रधानमन्त्री केपी शर्मा ओलीले नेपालमा अब हिंसा संभव नभएको र हुन नदिइने बताएका छन्।

नेकपा माओवादी केन्द्रका अध्यक्ष पुष्पकमल दाहाल प्रचण्डले बंगलादेश र श्रीलंकाबाट पाठ सिक्न उपदेश दिएको भन्दै ओलीले नेपाल कुनै देशको फोटोकपी मेसिन नभएको बताए।

‘हिजोतिर हो क्यारे प्रचण्डजीले बंगलादेश र श्रीलंकाबाट सिक भनेर अर्ती उपदेश दिनुभएछ। मैले १७ हजार मान्छे मारेको छ र खुट्टा कमाउन? मैले लुटपाट मच्चाएको छु र खुट्टा कमाउन?’ क्यप्टेन रामेश्वर थापाको पुस्तक विमोचन कार्यक्रममा ओलीले भने ‘जो चर्को स्वरमा भन्दै हुनुहुन्छ म भन्न चाहन्छु राम्ररी सिक। बेथिति आजको समयमा चलाउन सकिँदैन। चलाउन हुँदैन। बंगलादेशमा केही भयो भनेर नेपालमा त्यही हुन्छ ? नेपाल कुनै देशको फोटोकपी मेसिन होइन। यहाँ आफ्नो इतिहास छ आफ्नो परम्परा छ।’

ओलीले आफूले भ्रष्टाचार नगरेको र गर्न नदिने प्रतिवद्धता दोहोर्याए।

‘मैले जानीजानी अहिलेसम्म झूट बोलेको छैन, बोल्दिनँ । जानीजानी कसैको अधिकार हनन् गरेको छैन, गर्दिनँ । जानीजानी अनैतिक काम गरेको छैन गर्दिनँ। त्यसैले म ढुक्क छु।’ ओलीले भने।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कोरियाली युद्धमा मृत्यु भएका ४३ जना चिनियाँको अवशेष फिर्ता

वर्तमान सरकार असंवैधानिक र अप्राकृतिक ढंगले बनेको छ: प्रचण्ड

रास्वपाले कीर्तिपुरमा व्यक्ति तोकेर सघाउने निर्णय नगर्ने