ओलीजीले आफ्नै दलको कुनै महिला प्रधानमन्त्री बनाउने भन्नुभएको होला, म प्रधानमन्त्री बन्ने सम्भावना छैन : परराष्ट्रमन्त्री राणा

राजनीति

नेपाल लाइभ बिहीबार, भदौ १३, २०८१ १०:३४

धनगढी– नेपाली कांग्रेसकी नेता एवं परराष्ट्रमन्त्री आरजु राणा देउवाले कांग्रेस-एमालेको वर्तमान सरकार ०८४ सम्मै रहने बताएकी छिन्। धनगढीमा बिहीबार बिहान आफ्नै निवासमा पत्रकारहरूसँगको कुराकानीमा मन्त्री देउवाले विशेष परिस्थितिका कारण दुई पार्टी एक ठाउँमा आएको बताएकी हुन्।

'देशको संकट टार्न तथा विकास र समृद्धिको आकांक्षालाई पूरा गर्न कांगेस एमाले एक ठाउँमा आएका हुन्,' मन्त्री देउवाले भनिन्, 'विशेष विशेष परिस्थितिमा कांग्रेस -एमाले एक ठाउँमा आएको इतिहास छ।' दुई ठूला पार्टी मिलेर वर्षौंदेखि थाँती रहेको टीआरसी अघि बढेको उनले बताइन्।

अन्तर्राष्ट्रिय समुदाय नेपाललाई सहयोग गर्न सकारात्मक रहेको र नेपालप्रति राम्रो धारणा रहेको बताउँदै उनले संविधान संशोधन गर्नु पनि अहिलेको सरकारको उद्धेश्य रहेको बताइन्।

एमाले अध्यक्ष एवं प्रधानमन्त्री ओलीले हालै महिला प्रधानमन्त्री बनाउने इच्छा रहेको टिप्पणीप्रति उनले कांग्रेसभित्र आफ्नो हैसियत के हो भन्ने राम्ररी जानकार रहेको प्रतिक्रिया दिँदै आफू प्रधानमन्त्री हुने सम्भावना नरहेको बताइन्। 'ओलीले आफ्नै दलको कुनै महिलातर्फ संकेत गर्नु भएको होला,' उनले भनिन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एनपीएलमा हानिने प्रत्येक चौकामा एनसेल फाउन्डेसनले विद्यार्थीलाई चार शैक्षिक सामग्री दिने

परराष्ट्रमन्त्री डा. राणा चीनको छेङ्दुमा

घर मर्मत सम्बन्धी सबै काम मोबाइल एप बाटै