सहकारीबाट ऋण लिएको प्रमाण छ भन्नेहरुले अझै दिएनन् : मनिष झा

राजनीति

नेपाल लाइभ मंगलबार, भदौ ११, २०८१ १७:१०

काठमाडौं– राष्ट्रिय स्वतन्त्र पार्टीको सांसद मनिष झाले पार्टी सभापति रवि लामिछानेले सहकारीबाट ऋण लिएको प्रमाण छ भन्नेहरुले अझै देखाउन नसकेको बताएका छन्।

प्रतिनिधिसभाको बैठकमा बोल्दै उनले आफूहरु अहिलेसम्म त्यो प्रमाण कुरिरहेको बताएका हुन्।

उनले भने, ‘हामी इमानदार प्रयास गर्न आएका हौं । १०९ दिन अगाडि हामीसँग प्रमाण छ भनेर एक जनाले हामीप्रति प्रश्न राखेर तपाईंहरुले सरकारीबाट ऋण लिएको प्रमाण छ भनेर बोल्नुभएको थियो । आजसम्म प्रमाण कुरिरहेका छौं, आएको छैन । हामी डगमगाएका छैनौं । हामी आश गर्दैथ्यौं, विश्वास गर्दैथ्यौं, तर अब अति भयो । हामी आफ्नै तरिकाले अगाडि बढ्न तयार भइसक्यौं ।’

कांग्रेसका महामन्त्री गगन थापाले रवि लामिछाने गृहमन्त्री हुँदा सदनमा बोल्ने क्रममा आफूसँग सहकारीबाट ऋण लिएको प्रमाण भएको सदनमै दाबी गरेका थिए ।

त्यो प्रमाण दिए राजनीतिबाट सन्न्यास लिने लामिछानेले घोषणा गरे पनि अहिलेसम्म महामन्त्री थापाले दिन सकेका छैनन् । महामन्त्री थापाको दाबीलाई अर्का महामन्त्री विश्वप्रकाश शर्मासहित कांग्रेस नेताहरुले समर्थन जनाएका थिए ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एनपीएलमा हानिने प्रत्येक चौकामा एनसेल फाउन्डेसनले विद्यार्थीलाई चार शैक्षिक सामग्री दिने

परराष्ट्रमन्त्री डा. राणा चीनको छेङ्दुमा

घर मर्मत सम्बन्धी सबै काम मोबाइल एप बाटै