कोरियाका पूर्व पर्यटन मन्त्री रोङसँगको भेटवार्तामा मन्त्री पाण्डेले भने प्लेन भाडा महँगो भो

राजनीति

नेपाल लाइभ सोमबार, साउन २८, २०८१ १५:४५

काठमाडौं– सस्कृति, पर्यटन तथा नागरिक उड्डयनमन्त्री बद्रीप्रसाद पाण्डे र दक्षिण कोरियाका पूर्व पर्यटनमन्त्री युंजिन रोंङबीच भेटवार्ता भएको छ।

नेपाल भ्रमणमा रहनु पूर्वमन्त्री रोंङ सहितको प्रतिनिधि मण्डलले सोमबार पर्यटनमन्त्री पाण्डेसँग भेटवार्ता गरेका हुन्। भेटका अवसरमा मन्त्री पाण्डेले नेपाल कोरिया सम्बन्ध स्थापनाको ५० औं वर्ष पुगेको स्मरण गर्दै नेपाल कोरियाको सम्बन्ध थप प्रगाढ बन्नेमा विश्वास व्यक्त गरे।

मन्त्री पाण्डेले सन् २००५ मा नेपाल र कोरियाबीचको सांस्कृतिक सम्झौता गरिएको स्मरण गर्नुहुँदैं दुई देशबीच संस्कृति शिक्षा,युवा खेलकुद र पर्यटनका क्षेत्रमा सहयोग पुग्नेमा विश्वास व्यक्त गरे।

त्यसै गरि मन्त्री पाण्डेले नेपाल र कोरियाबीचको हवाई भाडा केही महंगो भएको विषयमा आम जनगुनासो रहेको ध्यानाकर्षण गराए। ‘५० हजार भन्दा बढी नेपाली कोरियामा बस्नुहुन्छ मन्त्री पाण्डेले भने,‘उहाँहरूलाई आउजाउ गर्न प्लेन भाडा महंगो हुने गरेको गुनासो गर्नु हन्छ। यस विषयमा कोरियाली सरकारको ध्यानाकर्षण होस्।’

नेपालमा कोरियाबाट वर्षेनि ३० हजार पर्यटक आउने गरेको तथ्यांक रहेको बताउँदै कोरियाका पूर्वमन्त्री यु जिनले नेपाल कोरिया दुई मित्र देशबीचको मित्रवत सम्बन्धको प्रशंसा गर्दै हवाई भाडा घटाउनका लागि कोरिया सरकारसँग पहल गर्ने बताए। उनले मन्त्री पाण्डेलाई सन् २०२५ मा कोरिया भ्रमणको निम्तो समेत दिएका छन्।

साथै उक्त भ्रमणले नेपालमा कोरियाली पर्यटक भित्रनेमा विश्वास समेत व्यक्त गरेका छन्। मन्त्री पाण्डेले आफू पनि कोरियाको भ्रमणमा आउनका लागि उच्च प्राथमिकता राख्ने बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

झलनाथ चीन जाँदै

सिरहामा मोटरसाइकल दुर्घटना- एक युवकको घटनास्थलमै मृत्यु, दुईको अवस्था गम्भीर

आजदेखि एनपीएल सुरु: उद्घाटन खेलमा जनकपुर र विराटनगर भिड्दै