सुदूरपश्चिममा पाँचौँ अधिवेशन आह्वान, विश्वासको मत लिने तयारीमा मुख्यमन्त्री शाह

राजनीति

नेपाल लाइभ शुक्रबार, साउन २५, २०८१ १५:०६

धनगढी– सुदूरपश्चिम प्रदेशमा प्रदेश सभाको पाँचौँ अधिवेशन आह्वान गरिएको छ। प्रदेश सरकारको सिफारिसमा प्रदेश प्रमुख नजिर मियाँले आगामी २७ गते दिउँसो २ बजेको लागि प्रदेश सभा बैठक आह्वान गरेका हुन्।

सरकारको सिफारिसमा प्रदेश प्रमुख नजिर मियाँले बुधबार रातिदेखि विशेष अधिवेशनको अन्त्य गरेका थिए। विशेष अधिवेशन अन्त्य गरेपछि सरकारले कर संकलन सम्बन्धी अध्यादेश ल्याएको थियो । उक्त अध्यादेश हिजो प्रमाणीकरण भइसकेको छ।

आज पुन सरकारले सिफारिस गरेपछि अधिवेशन आह्वान गरिएको प्रदेश प्रमुख कार्यालयले जानकारी दिएको छ। आइतबार मुख्यमन्त्रीमा कांग्रेस संसदीय दलका नेता कमल शाह नियुक्त भएका थिए। उनले विश्वासको मत लिएका छैनन्।

आइतबार प्रदेश सभा बैठक आह्वान गरिएको र त्यसलगत्तै विश्वासको मत लिने तयारी गरेको उनले बताए।

कांग्रेसका १८ र एमालेका ११ सांसदको समर्थमा शाह मुख्यमन्त्री भएका थिए। उनको सरकारमा अहिले नागरिक उन्मुक्ति पार्टी पनि समावेश भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एनपीएल उद्घाटन खेल : विराटनगर किंग्सलेको १ सय २८ रनको मध्यम लक्ष्य

बीआरआई सबैको सहमतिमै अघि बढ्छ : परराष्ट्रमन्त्री राणा

एनपीएल उद्घाटन खेल : जनकपुरविरुद्ध गप्टिलको अर्धशतक