काठमाडौं– असोज १५ देखि २६ गतेसम्म बङ्गलादेशमा हुने बङ्गबन्धु गोल्डकप फुटबल प्रतियोगितामा नेपालले पहिलो खेल ताजाकिस्तानसँग खेल्ने भएको छ।
_x000D_
_x000D_
खेल तालिकाअनुसार समूह ‘ए’मा रहेको नेपालले पहिलो खेल असोज १६ गते ताजाकिस्तान र दोस्रो खेल असोज २० गते प्यालेस्टाइनसँग खेल्नेछ। समूह ‘ए’मा नेपालसहित प्यालेस्टाइन र ताजाकिस्तान छन्। समूह ‘बी’मा आयोजक बङ्गलादेश, फिलिपिन्स र लाओस छन्। प्रतियोगिताका लागि नेपाली खेलकुद टोली असोज १५ गते त्यसतर्फ प्रस्थान गर्नेछ।
_x000D_
_x000D_
ढाकामा शनिबार सार्वजनिक गरिएको खेलतालिकाअनुसार प्रतियोगिता असोज १५ मा सुरु भई २६ गते सकिनेछ। असोज २० गते समूह चरणको खेल सकिने र २ दिनको आरामपछि असोजको २३ मा पहिलो र २४ मा दोस्रो सेमिफाइनल खेल हुनेछ। फाइनल खेल असोज २६ मा हुने तालिका सार्वजिनक गरिएको छ।
_x000D_
_x000D_
शनिबार नै प्रतियोगिताको ट्रफीसमेत सार्वजनिक गरिएको छ।
_x000D_
_x000D_
_x000D_
_x000D_
अघिल्लो संस्करणको विजेता नेपाल आइतबारसम्म प्रतियोगिता खेल्ने नखेल्ने दोधारमा थियो। आइतबार अघिल्लो संस्करणको विजेतावापतको पुरस्कार २५ हजार अमेरिकी डलर नेपालले पाएसँगै प्रतियोगितामा नेपालको सहभागिता निश्चित भएको अखिल नेपाल फुटबल सङ्घ (एन्फा)ले जनाएको छ।
_x000D_
_x000D_
एन्फाले पछिल्लो संस्करणको विजेतावापतको पैसा नपाए प्रतियोगिता नखेल्ने बङ्गलादेश फुटबल महासङ्घलाई जानकारी गराएपछि आइतबार बङ्गलादेश फुटबल सङ्घले नेपाललाई दिनुपर्ने २५ हजार डलर उपलब्ध गराएको एन्फा महासचिव इन्द्रमान तुलाधरले जानकारी दिए।
_x000D_
_x000D_
‘हामीले दिएको समयसीमाभित्र बङ्गादेश फुटबल महासङ्घले पैसा उपलब्ध गराएको छ। अब हामी प्रतियोगितामा सहभागिता जनाउछौँ।’, उनले भने। सोही रकमबारे छलफल गर्न महासचिव तुलाधर अघिल्लो साता ढाका गएका थिए। नेपाल ३१ महीनाअघि बङ्गबन्धु गोल्डकपको चौथो संस्करणमा च्याम्पियन हुँदाको पाउन बाँकी २५ हजार अमेरिकी डलर पुरस्कार बिएफएफले आइतबार एन्फालाई पठाएको हो भने २५ हजार त्यतिबेलै पाएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
