यस्तो बन्यो सुदूरपश्चिम प्रदेश सकारको मन्त्रिमण्डल, मुख्यमन्त्रीसहित मन्त्रीहरुले लिए शपथ

राजनीति

नेपाल लाइभ सोमबार, साउन २१, २०८१ १७:०७

काठमाडौं– सुदूरपश्चिम प्रदेश सरकारका मुख्यमन्त्री कमलबहादुर शाहसहित नवनियुक्त मन्त्रीहरुले एकैपटक शपथ लिएका छन्। मुख्यमन्त्री शाहसहित सात मन्त्री र तीन राज्यमन्त्रीले सोमबार एकैसाथ शपथ लिएका हुन्।

मुख्यमन्त्री शाहलाई आज प्रदेश प्रमुख नजिर मियाँले शपथ गराए। मुख्यमन्त्री शाहको शपथ ग्रहणलगत्तै उनले थप ६ जना मन्त्री र ३ जना राज्यमन्त्री नियुक्त गरेका छन्।

सत्ता साझेदार दलहरूबीच यसअघि नै मुख्यमन्त्रीसहित आर्थिक मामिला र सामाजिक विकास मन्त्रालय कांग्रेसले पाउने, भौतिक पूर्वाधार विकास, भूमि व्यवस्था कृषि तथा सहकारी र आन्तरिक मामिला तथा कानून मन्त्रालय एमालेले पाउने सहमति भएको थियो।

जसमा कांग्रेसबाट मुख्यमन्‍त्रीसहित दुई जना अन्य मन्त्री र दुई जना राज्यमन्त्री रहेका छन् भने एमालेबाट तीन जना मन्त्री र एक जना राज्यमन्त्री रहेका छन्।

मन्त्री बन्नेमा कांग्रेसबाट बहादुर थापा आर्थिक मामिला र मेघराज खड्का सामाजिक विकास मन्त्री बनेका छन्। यस्तै राज्यमन्त्रीमा कांग्रेसबाट सामाजिक विकास राज्यमन्त्रीमा सरसस्वती खड्का र आर्थिक मामिला राज्यमन्त्रीमा प्रकाश बम रहेका छन्।

यस्तै एमालेबाट भौतिक पूर्वाधार मन्त्रीमा सुरेन्द्र पाल, वीरबहादुर थापा र आन्तरिक मामिला मन्त्रीमा हिरा सार्की तथा र भौतिक पूर्वाधार राजयमन्त्रीमा एमालेबाट निर्मला साउद रहेकी छन्।

यस्तै नागरिक उन्मुक्ति पार्टीबाट लक्ष्मण किशोर चौधरी वन तथा वातावरणमन्त्री बनेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुडानमा विद्रोही अर्धसैनिक समूहको आक्रमणमा १४ जनाको मृत्यु

खो खो विश्वकप : पुरुषतर्फ पनि नेपाल उपविजेता, भारत च्याम्पियन

कोलम्बियामा विद्रोहीको आक्रमणमा परी ६० जनाको मृत्यु