काठमाडौं– सांसद राजेन्द्र लिङ्देनले सौर्य एअरको दुर्घटना हुनुको प्रमुख कारण सम्बन्धित निकायको लापरबाही भएको बताएका छन्। उनले आइतबार प्रतिनिधिसभाको बैठकमा बोल्दै यस्तो बताएका हुन्।
‘भर्खरै भएको सौर्य एअरलाइन्सले सिचेक गराउन पोखरा नै लानुपर्ने? काठमाडौंमा हुन नसक्ने हो कि होइन। बुद्ध एअर नेपाल एअरलाइन्सको ह्यांगरमा सिचेक गराउन सकिन्थ्यो कि सकिन्थेन? सँगसँगै त्यति ठूलो संख्यामा कर्मचारी जानुपर्ने र गैरप्राविधिकलाईसमेत लैजानुपर्ने कारण के हो?,’ उनले भने, ‘को–को जाँदैछन् भनेर हेर्ने निकाय छ कि छैन? हेर्नु पर्दथ्यो कि पर्दैनथ्यो? असम्बन्धित मानिसहरु किन गए भन्ने कुरा उठी रहेको छ। यो सबै घटानालाई हेर्दा नियामक निकायको लापर्बाही देखिन्छ नै।’
सौर्य एयर दुर्घटना मात्र नभएर अघिल्लो एति एअरको विमान दुर्घटनासमेत लापरबाहीका कारण भएको दाबी गरे। ‘सौर्य एअर मात्र होइन भर्खरै एउटा समाचार आएको छ गत माघमा पोखरा विमानस्थल सञ्चालमा आयो भनेर भन्यौं। क्यानले त्यो विमानस्थलमा अन्तर्राष्ट्रिय उडान भयो भनेर उद्घाटन गरियो। त्यो बेला त्यहाँ उडानका लागि उपयुक्त थिएन भन्ने समाचारमा आएको छ। त्यहाँ सबै प्रविधि जडान भइसकेको थिएन,’ उनले भने, ‘आइएफ र भिएफआर जुन २ तरिकाबाट जहाज उडान हुन्छ तयो प्रविधि नहुँदा यति एअरको दुर्घटना भयो भन्ने समाचार बाहिर आएको छ। यसविषयमा सम्बन्धित निकायले व्यापक अनुसन्धान गरिनुपर्छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1790770334.png)
-1786602170.png)
