चितवन- नेपाल कम्युनिस्ट पार्टीका अध्यक्ष तथा पूर्व प्रधानमन्त्री पुष्पकमल दाहाल 'प्रचण्ड'ले स्वास्थ्य क्षेत्रमा विचार-विमर्श गर्नुपर्ने आवश्यकता रहेको औंल्याएका छन्। आइतबार चितवनको नारायणगढमा आयोजित स्वास्थ्य खबर पत्रिकाको आठौं र नेपाल लाइभको पहिलो वार्षिकोत्सव तथा ‘हेल्थ अवार्ड २०७५’ प्रदान समारोहमा उनले यस्ताे बताएका हुन्।
_x000D_
_x000D_
चितवनलाई मेडिकल सिटी बनाउन सम्भव रहेको बताउँदै उनले चिकित्सा क्षेत्र अन्य क्षेत्रभन्दा बढि संवेदनशील रहेको उल्लेख गरे। नेपालमा प्रचुर मात्रामा अमूल्य जडिबुटी रहेको बताउँदै उनले भने ‘हाम्रो ध्यान त्यतातिर कति गएको छ विचारणीय प्रश्न छ।’ वर्तमानमा संवैधानिक, राजनीतिक र मौलिकताको ऐतिहासिक कालखण्डको मोडमा नेपाल रहेको बताए।
_x000D_
_x000D_
वर्तमान परिस्थितिका उपलब्धि सबैको योगदानबाट प्राप्त भएको औल्याउँदै ‘सदुपयोग गर्न सबैले जिम्मेवारी लिनुपर्ने अवस्था छ।’ हामीसँग उर्जा र ज्ञान कमी नभएको बताउँदै उनले भने ‘सुशासन र व्यवस्थाको कमी छ। अराजकताले पिरोलेको छ।’ इतिहासबाट प्राप्त नकारात्मक विरासत हटाउने र सकारात्मक विरासतलाई आत्मसात् गर्ने प्रक्रिया सुरु भएको छ। गुणात्मक प्रगति गर्ने सम्भवाना स्वास्थ्य क्षेत्रमा पनि छ। स्वास्थ्य पर्यटनका लागि नेपालजस्तै विश्वमा अन्य कहीं नभएको उनले उल्लेख गरे। सरकारका कमजोरी भए पुनर्मुल्यांकन गर्ने पक्षमा अाफू रहेको उनले बताए।
_x000D_
_x000D_
स्वास्थ्य क्षेत्रमा याेगदान पुर्याएका व्यक्तित्व सम्मान गर्ने पवित्र उद्देश्यले गरिएको सम्मानले अागामी दिनमा समेत निरन्तरता पाअोस् भन्ने शुभेच्छा उनले व्यक्त गरे। सार्वजनिक र नीजि क्षेत्रका राम्रा र नराम्रा कुरा पहिल्याउन समेत उनले पत्रकारलाई सुझाव दिए।
_x000D_
_x000D_
कार्यक्रममा स्वास्थ्यखबर पत्रिका र नेपाललाइभ डट कमका सम्पादक नारायण अमृतले संघीयताको मर्मलाई आत्मसाथ गर्दै हेल्थ अवार्ड उपत्यका बाहिर गरिएको बताए। स्वास्थ्य क्षेत्रमा चितवनले विगत १०-१२ वर्षको छाेटाे अवधिमा नै ठूलो फड्को मारेको कुरालाई मध्यनजर गरी उपत्यका बाहिर पहिलोपटक चितवनमा हेल्थ अवार्ड आयोजना गरिएको बताए। आगामी वर्षमा क्रमशः अन्य प्रदेशमा पनि हेल्थ अवार्डलाई विस्तार गरिने उनको भनाइ थियो।
_x000D_
_x000D_
स्वास्थ्य खबरपत्रिका सुरु गर्दा नेपालको स्वास्थ्य पत्रकारिता टिप्स र जानकारीमा मात्र अल्झेको तर अहिले अवस्था परिवर्तन भएको स्वास्थ्यखबर पत्रिका र नेपाललाइभका प्रकाशक अनिल न्यौपानेले बताए। 'नीतिनिर्माण तहमा नै बहस चलाउने उद्देश्यले हामीले स्वास्थ्यखबर पत्रिकाको प्रकाशन थालेका थियौं। उक्त समयमा स्वास्थ्य पत्रकारिता मात्रै होइन, स्वास्थ्य मन्त्रालय नै अोझेलमा थियो, नेताले अन्य मन्त्रालय नपाउँदा मात्र स्वास्थ्य मन्त्रालय राेज्ने गर्दथे। तर अहिले स्वास्थ्य क्षेत्र निकै अाकर्षक बनेको छ, यस्तो अवस्था निर्माण हुनमा कहीं न कहीं स्वास्थ्यखबर पत्रिकाको पनि याेगदान छ भन्ने हामीलाई लागेको छ' कार्यक्रमको समापन गर्दै उनले भने।
_x000D_
_x000D_
कार्यक्रममा स्वास्थ्य क्षेत्रका विभिन्न विधामा याेगदान पुर्याएका ७ जनालाई हेल्थ अवार्ड प्रदान गरिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
