६ उद्योगको बिजुली जोड्ने विद्युत् प्राधिकरणको निर्णय

राजनीति

नेपाल लाइभ मंगलबार, साउन ८, २०८१ १६:१४

काठमाडौँ- नेपाल विद्युत प्राधिकरणले काटिएका ६ वटा उद्योगको बिजुली जोडिदिने निर्णय गरेको छ। मंगलबार बसेको विद्युत् प्राधिकरणको बोर्ड बैठकले डेडिकेटेड र ट्रंक लाइन विवादमा काटिएका उद्योगमा बिजुली जोडिदिने निर्णय गरेको हो।

प्राधिकरणले गत २५ असारदेखि ती उद्योगको लाइन काटेको थियो। आगामी तीन महिना भित्र उद्योगीहरूले बक्यौता महसुल भुक्तानी नगरेमा पुनः नियम अनुसार बक्यौता रकम असुली गर्ने सर्तमा प्राधिकरणले उद्योगहरूको बिजुली जोड्ने निर्णय गरेको हो।

यसअघि प्रधानमन्त्री केपी शर्मा ओलीले गत शुक्रबार लाइन जोडिदिन प्राधिकरणका कार्यकारी निर्देशक कुलमान घिसिङलाई निर्देशन दिएका थिए। तर घिसिङले उक्त निर्देशन अवज्ञा गरेका थिए। त्यसपछि आइतबार विद्युत् नियमन आयोगले प्राधिकरणलाई विवाद कायमै रहेको बखत लाइन काट्न नमिल्ने कानुनी व्यवस्था रहेको भन्दै काटिएको लाइन तत्काल जोडिदिन लिखित निर्देशन दिएको थियो।

त्यति गर्दा पनि सोमबारको बोर्ड बैठकमा प्राधिकरणका कार्यकारी निर्देशक घिसिङले लाइन जोड्न मानेका थिएनन्। मंगलबार भने पुनः बैठक बसेर लाइन जोड्ने निर्णय भएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड