स्वास्थ्य क्षेत्र सुधारका सुझाव इमेल र ह्वाट्स एपमा दिन स्वास्थ्य मन्त्री पौडेलको आग्रह

राजनीति

नेपाल लाइभ आइतबार, साउन ६, २०८१ २०:०५

काठमाडौं- स्वास्थ्य तथा जनसंख्या मन्त्री प्रदीप पौडेलले स्वास्थ्य क्षेत्र सुधारका लागि सुझाव माग गरेका छन्। मन्त्री पौडेलले स्वास्थ्य क्षेत्रका सरोकारवाला सबैसँग सुझाव सल्लाह लिएर सामूहिक रूपमा योजना बनाएर अघि बढ्ने भन्दै सुझाव माग गरेका हुन्।

मन्त्री पौडेलले इमेल र ह्वाट्सएप मार्फत सुझावहरु उपलब्ध गराउन आग्रह गरेका छन्। 'तत्कालीन र दीर्घकालीन समाधानका लागि के- कस्ता योजना निर्माण गर्ने र कार्यान्वयन गर्ने भन्ने सन्दर्भमा यहाँहरूको रचनात्मक सुझावको अपेक्षा गरेको छु,' मन्त्री पौडेलले सामाजिक सञ्जाल फेसबुक मार्फत भनेका छन्।

मन्त्री पौडेलले [email protected] र सचिवालयको ह्वाट्सएप नम्बर 9849119261 मा सुझाव पठाउन आग्रह गरेका छन्।

उनले स्वास्थ्य क्षेत्रमा धेरै समस्या र चुनौतीहरू रहेको उल्लेख गर्दै ती समस्याको एक एक गर्दै समाधान खोज्न र अहिलेको अवस्थालाई सुधार गर्न तथा विकसित हुँदै आएका नयाँ प्रविधि र उपचार विधिहरूको अवलम्बन गर्न नीतिगत र प्रणालीगत सुधारको खाँचो रहेको बताएका छन्।

'यसका लागि समग्र स्वास्थ्य प्रणालीलाई एकीकृत रुपमा विकास गर्न तत्कालीन, अल्पकालीन र दीर्घकालीन योजनाहरू निर्माण गर्नुपर्छ। ती योजनाहरू निर्माण गर्न, हामी सबैले आ–आफ्नो स्थानबाट प्रयास गर्न आवश्यक छ,' उनले लेखेका छन्।

हेरौं मन्त्री पौडेलले लेखेको विषय
स्वास्थ्य तथा जनसङ्ख्या मन्त्रालयको जिम्मेवारी सम्हालेको केही दिन भयो । मलाई यो अवसर प्रदान गर्नुहुने सबैलाई आभार व्यक्त गर्न चाहन्छु ।

मन्त्रालयको जिम्मेवारी सम्हाल्दै गर्दा यहाँहरूबाट धेरै शुभकामना, आशीर्वाद र माया पाएको छु । अझ महत्वपूर्ण, स्वास्थ्य क्षेत्र सुधार गर्नका लागि धेरै सल्लाह सुझावहरू प्राप्त भएको छ । यहाँहरूका सुझाव अनुसार नै, स्वास्थ्य क्षेत्रको सुधार तथा सेवा प्रवाहलाई मर्यादित, पारदर्शी, सहज र सर्वसुलभ बनाउने हाम्रो उद्देश्य हो ।

स्वास्थ्य क्षेत्रमा धेरै समस्या र चुनौतीहरू छन् । ती समस्याको एक एक गर्दै समाधान खोज्न र अहिलेको अवस्थालाई सुधार गर्न तथा विकसित हुँदै आएका नयाँ प्रविधि र उपचार विधिहरूको अवलम्बन गर्न नीतिगत र प्रणालीगत सुधारको खाँचो छ । यसका लागि समग्र स्वास्थ्य प्रणालीलाई एकीकृत रुपमा विकास गर्न तत्कालीन, अल्पकालीन र दीर्घकालीन योजनाहरू निर्माण गर्नुपर्छ। ती योजनाहरू निर्माण गर्न, हामी सबैले आ–आफ्नो स्थानबाट प्रयास गर्न आवश्यक छ ।

यसका लागि, स्वास्थ्य क्षेत्रका सरोकारवाला सबैसँग सुझाव सल्लाह लिएर सामूहिक रूपमा योजना बनाएर अघि बढ्ने छौँ । त्यसैले, समग्र स्वास्थ्य प्रणाली भित्र रहेका प्रमुख समस्याहरू के-के हुन् ?

ती समस्याका सूची भित्र पनि प्राथमिकताका विषय के-के हुन् ? र, तीनको समाधान कसरी गर्ने ? जस्ता सवालहरूको तत्कालीन र दीर्घकालीन समाधानका लागि के- कस्ता योजना निर्माण गर्ने र कार्यान्वयन गर्ने भन्ने सन्दर्भमा यहाँहरूको रचनात्मक सुझावको अपेक्षा गरेको छु ।

ती सुझावहरू ईमेल तथा WhatsApp मार्फत दिन सक्नुहुनेछ ।
धन्यवाद !
ईमेल :- [email protected]
WhatsApp :- 9849119261 (सचिवालय)

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

स्याउ बोकेको कन्टेनरबाट सात किलोबढी सुन बराबद

इच्छाराजलाई थुनामा राख्ने विशेष अदालतको आदेश सर्वोच्चद्वारा सदर

हिमालका विषय उजागर गर्न सफल भएका छौँ : परराष्ट्र सचिव राई