रास्वपा महामन्त्री मुकुल ढकाल भन्छन्- पार्टीमा मलाई ह्यारेसमेन्ट भयो

राजनीति

नेपाल लाइभ बुधबार, असार १९, २०८१ २१:०५

काठमाडौँ- राष्ट्रिय स्वतन्त्र पार्टी (रास्वपा) का महामन्त्री डा मुकुल ढकालले पार्टीबाट आफूलाई ह्यारेसमेन्ट भएको बताएका छन्। पार्टी कार्यालयमा दिनभर बसेको केन्द्रीय समिति बैठकबाट निस्कने क्रममा ढकालले यस्तो प्रतिक्रिया दिएका हुन्।

‘उहाँहरूले मलाई ह्यारेसमेन्ट गर्नुभयो। दुई जना उपसभापतिले आजदेखि महामन्त्री मान्दैनौँ भन्नुभयो। मैले बोल्दिनँ भन्दा बोल कि बोल भनियो। एउटा राजनीतिक प्राणीको रूपमा मैले विरोध जनाएको हो। बोल कि बोल भन्न पाइँदैन,’ उनले भने।

गोरखा मिडियाबाट भएको सहकारी ठगीमा जीबी राई मात्रै दोषी हो भन्नेले पार्टीमा महामन्त्रीको मात्र गल्ती देखाएको उनको गुनासो छ।

उनले भने, ‘महामन्त्रीलाई सबै दोष थोपर्न खोजिँदै छ। उहाँ गोर्खा मिडिया नेटवर्कमा महामन्त्री जस्तै पोजिसनमा हुनुहुन्थ्यो। त्यहाँ चाहिँ अध्यक्ष जीबी राईको सबै गल्ती भन्नुहुन्छ। पार्टी चाहिँ महामन्त्रीको सबै गल्ती देखाउनुहुन्छ। उहाँ जुन पदमा हुनुहुन्छ, त्यो पदले कहिले पनि गल्ती गर्दैन भनेजस्तो भयो।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नेपालको पासपोर्ट झन कमजोर बन्यो

काठमाडौंका यी स्थानमा आज विद्युत आपूर्ति नहुने

राष्ट्रपति रामचन्द्र पौडेलद्वारा पृथ्वीनारायण शाहको शालिकमा माल्यार्पण (तस्वीरहरू)