काठमाडौं– सरकारले बुधबार सार्वजनिक गरेको पदक पाउनेहरुको सूचीमा भरतपुर महानगरपालिकामा रेणु दाहाललाई जिताउन फैसला गर्नेदेखि निर्वाचन छानबिन गर्नेसमेत परेका छन्।
_x000D_
_x000D_
पदक पाउनेको सूचीमा प्रधानान्यायाधीश ओमप्रकाश मिश्र परेका छन्। प्रधानान्याधीशमा नवनियुक्त मिश्रको फैसलाले भरतपुरमा पुनः निर्वाचन भएको थियो। सरकारले मिश्रलाई सुप्रसिद्ध प्रवल जनसेवा पदकमार्फत विभूषित गर्न लागेको हो।
_x000D_
_x000D_
सुप्रसिद्ध प्रवल जनसेवा पदक पाउने मिश्र एक्ला व्यक्ति हुन्। मिश्र र परुषोत्तम भण्डारीको संयुक्त इजलासले साउन १५ मा चितवनकाे भरतपुर महानगरपालिकामा वडा नम्बर १९ मा पुनः निर्वाचनको मिति तोक्न आदेश दिएको थियो।
_x000D_
_x000D_
मतपत्र च्यातिएको वडा नम्वर १९ को पुनः मतदान साउन २० मा भएको थियो। पुनः मतदानबाट दाहाल उनका प्रतिद्वन्द्वी देविप्रसाद ज्ञवालीलाई हराँउदै प्रचण्डकी छोरी रेणु दहाल विजयी भएकी थिइन्।
_x000D_
_x000D_
मतपत्र च्यातिएपछि सरकारले गृहमन्त्रालयका सहसचिव गीताप्रसाद तिमल्सिनालाई छानबिन टोलीको संयोजक बनाएको थियो। निर्वाचन ऐन २०७३ को दफा ५० को उपदफा ३ अनुसार घटनाबारे छानबिन तिमिल्सिनाको संयोजकत्वमा टोली बनाइएको थियो।
_x000D_
_x000D_
च्यातिएको मतपत्र छानबिन गर्न बनेको समितिका संयोजक तिमल्सिनालाई सुप्रवल जनसेवा श्री पदकबाट विभूषित गरिने भएको छ। उनको नाम सूचीको ४६औं नम्बरमा छ। तिमल्सिना हाल महान्यायाधिवक्ताको कार्यालयमा सहन्यायाधिवक्ताका रुपमा कार्यरत छन्।
_x000D_
_x000D_
आपूर्ति मन्त्रालयमा सहसचिवमा कार्यरत रहँदा डिलर्स एसोसिएनको पक्षमा काम गरेकाे अाराेप लागेका दीपक सुवेदी पनि विभूषित हुने भएका छन्। आर्थिक चलखेलको आरोप लागेका सुवेदीलाई सुप्रवल जनसेवा श्रीबाट विभूषित गर्न लागिएको हो।
_x000D_
_x000D_
डिलर्सको हितमा काम गरेका सुवेदी हाल निर्वाचन आयोगमा कार्यरत छन्। निर्वाचन आचार संहिता लागू भएपछि आफैंले लगाएको आचारसंहिता मिच्दै आयोगका सचिव गोपीनाथ मैनालीले निमित्त सहसचिवको जिम्मेवारी उनलाई दिएका थिए।
_x000D_
_x000D_
याे पनि पढ्नुस्: संविधान दिवस : सरकारद्वारा ४ सय २१ जनालाई पदक घाेषणा, सूचीमा अधिकांश सुरक्षा अधिकारी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
