काठमाडौं- मंगलबार १५ मिनेटका लागि स्थगित भएको प्रतिनिधि सभा बैठक बुधबार मात्रै बस्ने भएको छ। संसद सचिवालयले सूचना टाँस गरी नयाँ मितिबारे सूचित गरेको हो।
सहकारी ठगीमा गृहमन्त्री रवि लामिछानेको पनि संलग्नतालाई लिएर प्रतिनिधि सभामा धारणा राख्दै आएको कांग्रेसको अवरोधपछि मंगलबारको बैठक स्थगित भएको थियो।
मंगलबारको बैठकको सुरुवातमा कांग्रेसकी सचेतक सुशीला थिङले संसदीय छानबिनको विषय उठाएकी थिइन्। उनले मंगलबार नै बसेको कांग्रेस संसदीय दलको बैठकको निर्णय पनि वाचन गरेकी थिइन्।
उनले संसदीय छानबिन समिति गठन नभएमा संसदको बैठक प्रभावित हुने विषयमा सरकार जिम्मेवार हुने प्रष्ट पारेकी थिइन्। कांग्रेसले उठाएको विषयप्रति सरकार जिम्मेवार नभएको उनको तर्क थियो। उनले सदनको कामकारबाही अघि नबढाउन आग्रह गरेकी थिइन्।
त्यसपछि सभामुखले रास्वपाका सांसद मनिष झालाई समय दिएका थिए। तर कांग्रेस सांसदहरूले यथास्थानमा उठेर विरोध जनाएका थिए। त्यसपछि सभामुखले सदनको वातावरण शान्त बनाउने प्रयास गरे पनि असफल भएका थिए। बरु अन्य पार्टीका सांसदहरू पनि उभिएका थिए।
त्यसपछि बैठक १५ मिनेटका लागि स्थगित भएको थियो। त्यसपछि सभामुख देवराज घिमिरेले सहमति खोज्न गरेको प्रयास असफल भएपछि बैठक बुधबारसम्मलाई सारिएको हो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
