काडमाडौं– नेकपा (माओवादी केन्द्र) का सांसद सुदन किराँतीले राजनीतिमा इमान्दारिताको खाँचो रहेको बताएका छन्।
सोमबार काठमाडौंमा गायिका खुशी थुलुङ राईको पहिलो गिती एल्बम खुशीका रंगहरु लोकार्पण समारोहलाई सम्बोधन गर्दै उनले यस्तो बताएका हुन्। उनले नेपालमा इमान्दारिताको खडेरी परेको बताए।
रानीतिमा इमान्दारितालाई मुख्य विषय बनाउनसके देश बन्न धेरै समय नलाग्ने बताए। उनले सार्वभौम सत्ता सम्पन्न नेपाल भनेर मात्रै नहुने भन्दै नागरिकको दुःख, नागरिकले भोग्नुपरेको ज्यादतीको अन्त्य गर्न नसकेको बताए। संविधानको पूर्णतः कार्यान्वयन हुन नसकेको उनको भनाइ थियो।
उनले भने, ‘सार्वभौम सत्ता सम्पन्न नेपाल त भन्न सक्यौं। सार्वभौम सत्ता सम्पन्न नेपालमा नागरिकको दुःख, नागरिकले भोग्नुपरेको ज्यादतीको अन्त्य गर्न सकेका छैनौं। त्यो भनेको एउटा मात्रै आवश्यकता छ। हामी लोकतान्त्रिक गणतन्त्रमा छौं। वंशीय शासनको अन्त्य गरेका छौं। संविधानमा सबैको प्रत्याभुति हुनेगरी चित्र प्रश्तुत भएको छ। संविधानको कार्यान्वयनमा ढिलो भइरहेको छ। हामी सबै लागौं। इमान्दारिताको खाँचो छ हाम्रो देशमा। इमान्दारिताको खडेरी लागेको छ। राजनीतिमा इमान्दारिता प्रधान भयो भने देश बन्न धेरै समय लाग्दैन। राजनीति रुपान्तरण गर्न आवश्यक छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749200817.png)
