सभामुखद्वारा बोलाइएको प्रधानमन्त्रीसहितको बैठक जारी

राजनीति

नेपाल लाइभ सोमबार, चैत २६, २०८० १५:०१

काठमाडौं- सभामुख देवराज घिमिरेद्वारा बोलाइएको प्रधानमन्त्रीसहित शिर्ष नेताहरूको बैठक जारी छ। बैठक सभामुखको कार्यकक्ष सिंहदरबारमा बसिरहेको सभामुखको सचिवालयले जानकारी दिएको छ।

प्रमुख विपक्षी नेपाली कांग्रेसले सदनमा निरन्तर गृहमन्त्रीको सहकारी संलग्नता सम्बन्धमा संसदीय छानबिन समिति माग गरेको र चैत २७ देखि बैठक नै अबरुद्ध गर्ने चेतावनी दिएको सम्बन्धमा छलफल गर्न सभामुख घिमिरेले बैठक बोलाएका हुन्।

बैठक सोमबार बिहान १०:३० का लागि बोलाइएको भए पनि पछि २ बजेका लागि सरेको थियो।

बैठकमा सभामुख घिमिरे र प्रधानमन्त्री पुष्पकमल दाहाल प्रचण्ड सहभागी छन्। त्यस्तै, माओवादी केन्द्रका हितराज पाण्डे सहभागी छन्। कांग्रेसबाट शेरबहादुर देउवा र रमेश लेखक सहभागी भएका छन्।

एमालेका विष्णु पौडेल र महेश बर्तौला सहभागी छन्। त्यस्तै रास्वपाका रवि लामिछाने र सन्तोष परियार सहभागी छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुडानको राजधानी नजिकै भएको गोलाबारीमा १२० भन्दा बढीको मृत्यु

सञ्चारमन्त्री गुरुङको स्पष्टोक्ति- रहरले नभइ आवश्यकताले अध्यादेश ल्याइएको हो

‘महाराजधिराज’को घोषणा, दोहोरो भूमिकामा पल