काठमाडौं– गण्डकी प्रदेशका प्रदेश प्रमुख डिल्लीराज भट्टले नयाँ सरकार गठनका लागि आह्वान गरेका छन्। मुख्यमन्त्री बुधबार सुरेन्द्रराज पाण्डेले राजीनामा बुझाएपछि नयाँ सरकार गठनका लागि सुचना जारी गरिएको हो।
प्रदेश प्रमुखले नयाँ सरकार गठन गर्न संविधानको धारा १ सय ६८ को उपधार २ अनुसार आह्वान गरेका हुन्।
उनले भनेका छन्, ‘संविधानको धारा १ सय ६८ को उपधारा २ अनुसार दुई वा दुई भन्दा बढी दलहरुको समर्थनमा बहुमत प्राप्त गर्न सक्ने प्रदेश सभा सदस्यलाई मिति २०८० चैत २७ गते मंगलबार दिउँसो ३ बजेभित्र गण्डकी प्रदेशको मुख्यमन्त्री पदमा नियुक्ति गर्ने दाबी पेस गर्न आह्वान गर्छु।’
अब नयाँ सरकार गठन गर्न चाहनेले चैत २७ गतेभित्र बहुमतसहित उपधारा २ अनुसार प्रस्ताव पेस गर्नुपर्ने छ। निर्वतमान मुख्यमन्त्री पाण्डे उक्त उपधारामा सके आफैं मुख्यमन्त्री दोहोरिने नत्र अर्को उपधारा ३ मा लैजाने रणनीतिमा छन्।
नेकपा एमाले र माओवादीको सत्ता गठबन्धन भने उपधारा २ अनुसार नै बहुमत पुर्याएर सरकार बनाउने दौडमा छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1789631269.jpg)
