काठमाडौं– नेपाल वायुसेवा निगम र नागरिक उड्डयन प्राधिकरणका गतिविधि अध्ययन गर्न दुई वटा उपसमिति बनाउन सांसदहरुले माग गरेका छन्।
सोमबार प्रतिनिधि सभा अन्तर्गतको अन्तर्राष्ट्रिय सम्बन्ध र पर्यटन समिति बैठकमा बोल्दै सांसदहरुले समितिमा वायुसेवा निगम र प्राधिकरण्का विषयमा बारम्बार छलफल हुने तर परिमाण नआउने गरेको भन्दै छुट्टै उपसमिति बनाएर अध्ययन गर्नुपर्ने माग रखेका हुन्।
उनीहरुले समितिमा लामो समयको अन्तरमा छलफल हुने तर निचोड नआउने भएकाले उपसमितिमार्फत निगम र प्राधिकरणका गतिविधि अध्ययन र छानविन गरि सुझाव दिन सहज हुने बताए। सांसदहरुले समितिले नेपाल वायुसेवा निगमका कमजोरी सुधार गर्न पर्यटन मन्त्रीलाई जिम्मेवार बनाउन आवश्यक रहेको बताए।
उनीहरुले राष्ट्रियध्वाजवाहक निगम संधै भ्रष्टाचारको अखडा हुन नहुने बताए। सांसदहरुले आवश्यकता भन्दा पनि स्वार्थपूर्तिको लागि निगमलाई धरासायी बनाउने काम रोक्न आवश्यकतामा जोड दिए। उनीहरुले राष्ट्रिय ध्वाजवाहक निगमलाई थप सुदृढ र पारदर्शी बनाएर हवाई यात्रालाई सहज र सहुलियत दिने बनाउन सुझाव दिए।
नेपाल वायुसेवा नियमको सेवा भरपर्दा र विश्वानिय बनाउने गरी निगम नेतृत्वले काम गर्न आवश्यक रहेको सांसदहरुको भनाई छ। बैठकमा सांसदहरुले निगमको ऋण तिर्नको लागि सोल्टी होटलको शेयर बिक्री गर्न र न्युरोडको जग्गा बेच्न कानूनी र नीतिगत रुपमा अफ्ठ्यारो नहुने बताए। केही सांसदले भने सोल्टी होटलको शेयर बिक्री र न्युरोडको जग्गा बेचेर रकम हिनामिना गर्ने माध्यम बन्ने गरी काम गर्न नहुने बताए।
बैठकमा बोल्दै नेपाली कांग्रेसका सांसद उदयसमशेर राणाले समितिले नेपाल एयरलाइन्स र नेपाल नागरिक उड्डयन प्राधिकरणमा भइरहेका गतिविधिको विषयमा अध्ययन गर्न छुट्टा छुट्टै उपसमिति बनाउन माग गरे।
उनले समितिको बैठक लामो समयपछि बस्ने तर सांसदहरु हरेक कुरामा अपडेट हुने अवस्था नहुने बताए। समिति बैठकमा बोल्दै नेकपा एमालेका सांसद देविप्रकाश भट्टचनले निगमका अध्यक्षलाई सोल्टी होटलको शेयर बिक्री गर्ने जिम्मा आफूहरुलाई दिन आग्रह गरे।
उनले शेयर बिक्री गरेर पैसा निगमलाई दिने बताए। सांसद भट्टचनले नेपाल वायुसेवा नियमलाई ३ अर्ब रुपैयाँ बराबरको रकम सोल्टीको शेयर बेच्दा जम्मा हुने बताए। उनले निगमले वार्षिक रुपमा ३० करोड घाटा व्यहोरीरहेको बताए।
उनले सोल्टी होटललाई क्याटिङको जिम्मा दिएको भन्दै कुन मापदण्डमा दिएको हो? भन्दै प्रश्न गरे। उनले संस्थापक शेयर बिक्री गर्न मिल्दैन भन्ने अध्यक्षलाई भ्रम परेको हुनसक्ने भन्दै शेयर बेच्ने अधिकार अध्यक्षको भएकाले स्वीकृत दिए बेचेर पैसा दिन तयार रहेको बताए।
निगम सुधार समितिले दिएको सुझाव अनुसार सोल्टीको शेयर र न्युरोडको जग्गा बेचेर सिंनामगलमा निगमको नयाँ भवन र जहाज खरिद गर्न आवश्यक रकम समेत पुग्ने उनको दाबी थियो।
नेपाल मजदुर किसान पार्टीका सांसद प्रेम सुवालले पनि सोल्टी होटलको शेयर र जग्गा बेचेर पैसा केही नगरी पैसा सकाएपछि के गर्ने भन्ने थप समस्या आउने बताए। उनले शेयर, जग्गा बेचेर ऋण तिर्ने र निगमलाई सुधार गर्नेकुरा भन्दा पहिला ५० अर्ब घाटामा गएको विषयमा छानबिन गर्न आवश्यक रहेको बताए।
उनले सरकारले नेपालमा नचल्ने चिनियाँ जहाँज किन किनेको? भन्दै छानबिन गर्न आवश्यक रहेको बताए। निगमले पाइलट तयार गर्न नसक्नु दुःखद् पक्ष भएको उनको भनाइ थियो।
नेकपा एमालेकी सचेतक सुनिता बरालले निगमको जहाजको लागि सामान्य पार्टहरु बिग्रँदा पनि उपलब्ध नहुने अवस्थामा निगम पुगेको बताइन्। उनले यस्ता कुराहरुले नेपाल एअरलाइन्स कसरी विश्वासनिय हुन्छ? भन्दै प्रश्न गरिन्। उनले निकट काट्न खोज्दा कतै टिकट नपाउने तर जहाज खाली उडान भर्ने अवस्था रहेको बताइन्।
उनले नेपाल एअरलाइन्सलाई विश्वसनिय र प्रविधिमैत्री बनाउन जरुरी रहेको बताइन्। विश्वासनिय र प्रविधिमैत्री बनाउन निगमलाई के समस्या छ? भन्नेकुरा समितिलाई जानकारी दिनुपर्ने उनको भनाइ छ। उनले निगमको नकारात्मक विषय सबै भन्दा छिटो किन बाहिर आउँछ? भन्दै प्रश्न गरिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
