मिटरब्याज पीडितको गुनासो : ‘खानेकुरा सबै भिज्यो, सरकारले नागरिकको व्यवहार गरेन’

समाचार

नेपाल लाइभ आइतबार, फागुन २०, २०८० १८:१५

काठमाडौं– मिटरब्याजी पीडितहरुले सरकारले आफूहरुलाई देशका नागरिकको व्यवहार नगरेको भन्दै आक्रोश व्यक्त गरेका छन्। आईतवार काठमाडौं केन्द्रित दोस्रो चरणको आन्दोलनका क्रममा उनीहरुले यस्तो बताएका हुन्।

उनीहरुले केही दिनयता काठमाडौं केन्द्रित आन्दोलन जारी राखेका छन्। आइतबार पानीमा भिज्दै आन्दोलनमा होमिएका उनीहरुले आफूहरु पीडित भए पनि सरकारबाट कुनै माग सम्बोधन नभएको बताए। सरकारले जनतालाई दया माया नदेखाएको उनीहरुको आरोप छ।

उनीहरुले काठमाडौंमा आफूहरुलाई बस्ने ठाउँ नभएको र आजको वर्षाले खानेकुराहरु सबै भिजेकाले के खाने र कहाँ बस्ने भन्ने चिन्ता भएको बताए। उनीहरुले आन्दोलनका क्रममा अस्वस्थ भइसकेको भन्दै सरकारबाटै आफू हेपिएको बताए। सरकारले आफैंले बनाएको कानून कार्यान्वयन नगरेको आरोपसमेत लगाए।

उनीहरुले भने, ‘हामीले खाना पानी केही पनि पाएका छैनौं। हामी पीडित छौं सरकार कुरा सुन्नै चाहँदैन। माया नै लाग्दैन, जनताको भन्छ जस्तो छ। बस्ने सबै ठाउँ भिज्यो, चामल भिज्यो, तरकारी भिज्यो कसरी खाना खाने। हाम्रो कपडा सबै भिजेको छ, राति कहाँ सुत्नु। सरकार यति अन्धो भयो कि हामी जनता हौं भन्ने पनि सोचेन। हामी अस्वस्थ भइसक्यौं, रोगी छौं। सरकारले हामीलाई हेरेन। कानुनको कार्यान्वयन गर्दैन। कांग्रेस, एमाले, सिके राउतका नेता सबै नेताहरु आए तर काम कसैले गरेनन्। कामका लागि आएका भए एकै दिनमा काम गरिदिन्थे।’

मिटरब्याज पीडितहरुले गत माग १६ गतेबाट मिटरब्याजविरुद्धको न्याय मार्च झापाको काँकडभिट्टाबाट निकालेका थिए। अझै आफूहरुको माग सम्बोधन गर्न सरकार गम्भिर नभएको भन्दै संघर्ष समितिका प्रवक्ता नविनले आक्रोश व्यक्त गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बीमाको रकम हत्याउन भारतीय प्रेमीसँग मिलेर श्रीमानको हत्या

सरकारमा सहभागी मन्त्रीहरुसँग देउवाले लिए कार्यप्रगतिबारे जानकारी

बलिउड अभिनेता सैफ अली खानमाथि छुरा प्रहार