सशस्त्र प्रहरीमा प्राविधिकतर्फ २२ जना कर्मचारी माग

समाचार

नेपाल लाइभ शुक्रबार, फागुन १८, २०८० १०:०९

काठमाडौं- सशस्त्र प्रहरीले प्रविधिक समूह (स्वास्थ्य) तर्फ २२ जना कर्मचारी माग गरेको छ। सशस्त्र प्रहरी बल प्रधान कार्यालयले शुक्रबार सूचना प्रकाशन गर्दै २२ जना कर्मचारी मागेको हो।

प्राविधिक सशस्त्र प्रहरी निरीक्षक (चिकित्सक) ११ जना, प्राविधिक सशस्त्र प्रहरी बीडीएसमा ३ जना, प्राविधिक सशस्त्र प्रहरी नायब निरीक्षकमा स्टाफ नर्स ५ जना, ल्याब टेक्निसियन २ जना, फिजियोथेरापिस्ट १ जना र २ जना रेडियोग्राफर मागेको हो।

इच्छुक तथा योग्यता पुगेका नेपाली नागरिकहरूले चैत १८ गतेसम्म दरखास्त बुझाउन सक्नेछन्। दरखास्त दिन व्यक्ति स्वयं उपस्थित हुनुपर्ने सूचनामा उल्लेख छ।

दरखास्त शुल्क प्राविधिक सशस्त्र प्रहरी निरीक्षका लागि १ हजार २ सय र समावेशी समूहतर्फको दरखास्त दिँदा थप २४० रूपैयाँ लाग्ने सूचनामा जनाइएको छ।

प्राविधिक सशस्त्र प्रही नायब निरीक्षकमा ७ सय रूपैयाँ र समावेशी समूहमा १४० रूपैयाँ थप लाग्नेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सत्य निरुपण र बेपत्ता आयोगका पदाधिकारी नियुक्त

बेरूजु निरन्तर बढ्दो, राजस्व छुटको तथ्याङ्क संसद्मा पेस गरेर पारदर्शिता कायम गर्न सुझाव

विद्यालयमा हाजिरीविनै दिवा खाजामा २७ करोड खर्च