सम्बन्ध बिग्रिएपछि महिलाको गोप्य भिडिओ र फोटा आफन्तलाई पठाउँदै चरित्रहत्या गर्ने एक जना पक्राउ

सुरक्षा/अपराध

नेपाल लाइभ बिहीबार, फागुन १०, २०८० १४:५५

काठमाडौं– गोप्य भिडिओ तथा फोटाहरु पीडित महिलाका आफन्तलाई पठाउँदै चरित्र हत्या गरेको आरोपमा एक जना पक्राउ परेका छन्।

पक्राउ पर्नेमा नुवाकोटको शिशवपुरी गाउँपालिका–४ घर भइ टोखा नगरपालिका–११ बानियाटार बस्दै आएका २७ वर्षीय किरण थापा छन्।

उनलाई माघ ९ गते गोंगबुबाट केन्द्रीय साइबर ब्यूरोको टोलीले पक्राउ गरेको हो। पक्राउ परेका थापाविरुद्ध विद्युतीय कारोबार ऐन अन्तर्गतको कसुरमा अनुसन्धान अघि बढाइएको साइबर ब्यूरोले जनाएको छ।

सम्बन्ध राम्रो हुँदा थापा र एक महिलाबीच गोप्य भिडिओ तथा फोटाहरु साटासाट भएको थियो। सम्बन्ध बिग्रिएपछि ती गोप्य भिडिओ तथा फोटाहरु पीडित महिलाका आफन्तलाई पठाउँदै चरित्र हत्या गरेको पाइएपछि उनलाई प्रहरीले पक्राउ गरेको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

लण्डन पुगेका शेखरले भने- नेपालको राजनीतिक अवस्था एकदमै तरल अवस्थामा छ

रवि काठमाडौं आइपुगे, भोलि विहानै अदालत जाने

विद्युत् चुहावट १२.७३ प्रतिशतमा सीमित