इजिप्टले गाजामा २ लाख टन मानवीय सहायता पठायो

विश्व

नेपाल लाइभ शनिबार, फागुन ५, २०८० २१:५२

एजेन्सी– इजिप्टले गाजापट्टीको युद्धग्रस्त प्यालेस्टिनी एन्क्लेभमा २ लाख टन मानवीय सहायता पठाएको छ। इजिप्टका सामाजिक एकतामन्त्री निभिन एल–कबागले शुक्रबार यस्तो दाबी गरेका छन्।

मन्त्रीले इजिप्टको राजधानी कायरोमा रन फर गाजा म्याराथनमा भाग लिने क्रममा उक्त टिप्पणी गरे। जसले गाजामा प्यालेस्टिनीहरूको लागि चन्दा उठाउन १० हजार सहभागीहरूलाई आकर्षित गरेको थियो।

एल–कबागले रसद सेवाहरू व्यवस्थित गर्न, आपूर्ति श्रृंखला बिस्तार गर्न र लगभग ३७ देशहरूबाट प्राप्त सहायता भण्डारण गर्न इजिप्टियन रेड क्रिसेन्टको भुमिकाको प्रशंसा गरे।

लगभग २ लाख टन सहायता, गाजाका लागि प्रदान गरिएको कुल राहत आपूर्तिको ६० प्रतिशत हो। इजरायलले गत वर्ष अक्टोबर ७ देखि गाजामा हमास बिरुद्ध ठूलो सैन्य अभियान चलाउँदै आएको छ।

दक्षिणी इजरायलमा आन्दोलनको हमलापछि लगभग १ हजार दुई सय जनाको मृत्यु भएको छ। इजरायली नाकाबन्दी र गाजाको बमबारीले अहिलेसम्म २८ हजार ७७५ प्यालेस्टाइनीको ज्यान लिइसकेको हमासको स्वास्थ्य मन्त्रालयले शुक्रवार जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

धनकुटामा बस दुर्घटना हुँदा एकको मुत्यु, १४ जना घाइते

प्रचण्ड प्रधानमन्त्री हुँदा निदाउन नपाएका भ्रष्टाचारी र तस्कर अहिले खुसीसाथ निदाउछन् : सांसद शाही

भारत र पाकिस्तानबीच बढ्दो तनावमा मध्यस्थता गर्न इरानका शीर्ष कूटनीतिज्ञ पाकिस्तानमा