विराटनगरमा शंकास्पद वस्तु भेटियो, २ जना पक्राउ

सुरक्षा/अपराध

नेपाल लाइभ मंगलबार, फागुन १, २०८० १२:२१

विराटनगर– कोशी प्रदेशको विराटनगरमा शंकस्पद वस्तु फेला परेको छ।

विराटनगर महानगरपालिका–३ मा रहेको घरेलु तथा साना उद्योग कार्यालय छेउमा प्रेसर कुकरलाई टेपले बाँधेको अवस्थामा शंकास्पद वस्तु भेटिएको हो। शंकास्पद वस्तु फेला परेको स्थानमा नेपाली सेना र सशस्त्र प्रहरी बलको टोली घटनास्थलमा पुगेर डिस्पोज गर्ने तयारी गरिरहेको छ।

खाल्डो खनेर प्रेसर कुकर राखिएको छ। घटना स्थानलाई घेरा हालेर प्रहरीले सुरक्षित गरेको छ।

प्रहरीका अनुसार निजी विद्यालय तथा विभिन्न क्षेत्रमा चन्दा आतंक मच्चाउने समूहले शङ्कास्पद वस्तु राखेको प्रारम्भिक अनुसन्धानबाट खुलेको छ। घटनामा संलग्न भएको आशंकामा प्रहरीले २ जनालाई पक्राउ समेत गरेको छ। पक्राउ परेकाहरु गोपाल किराती नेतृत्वको नेकपा माओवादी (क्रान्तिकारी) का कार्यकर्ता रहेका बताइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राप्रपाको जलपानमा प्रधानमन्त्री पनि उपस्थित

प्रधानमन्त्रीको अभिव्यक्ति सहमति विपरीत छ, कांग्रेसले गम्भीर समीक्षा गर्नुपर्छ : नेता महर

खोलानालामा वातावरणीय बहाव कम, अधिकांश आयोजनाले पालना गरेनन् नियम