वानप्लसका ३ वटा नयाँ फोन नेपाली बजारमा, यस्तो छ मूल्य

सूचना-प्रविधि

नेपाल लाइभ सोमबार, माघ २२, २०८० १६:३८

काठमाडौं– चिनियाँ टेक ब्रान्ड वानप्लसका फोन प्रिमियम डिजाइन तथा टप-अफ-द-लाइन विशिष्टताका लागि प्रख्यात छन्। साथै, वानप्लसका फोनहरु लामो समयसम्म चल्ने ब्याट्री लाइफ र तीव्र चार्जिङ क्षमताका लागि पनि उपभोक्ताको रोजाइमा पर्छन्। चाहे तपाईं एक शक्तिशाली गेमिङ डिभाइसको खोजीमा हुनुहोस् वा अधिक बजेट–अनुकूल विकल्प रोज्नुहोस्, वानप्लस फोनमा सबैका लागि केही न केही हुन्छ नै!

वानप्लसले हालै नेपालमा आफ्ना ३ वटा डिभाइसहरु लञ्च गरेको छ। क्यामेरा (फोटो), गेमिङ तथा बजेट–अनुकूलता, सबै हिसाबले उपभोक्ताका लागि आफ्नो रोजाइ छनोट गर्ने सुविधासहित ३ वटा नयाँ डिभाइस नेपाली बजारमा लञ्च गरिएको कम्पनीको दाबी छ।

वानप्लसले नेपाली बजारमा नर्ड एन थर्टी एसई, वानप्लस १२ (टुवेल्भ) र वानप्लस १२ आर (टुवेल्भ आर) मोडलका फोनहरु सार्वजनिक गरेको छ।

फ्ल्यागसिफ लेभलको फोन ‘वानप्लस १२’लाई सूचना प्रविधिको क्षेत्रमा काम गर्ने, गेमर्स र फोटोग्राफरलाई लक्षित गरेर बनाइएको कम्पनीको दाबी। यो भिभाइसबाट टुके क्वालिटीमा भिडियो खिच्न सकिन्छ। यस्तै, वायरलेस चार्जरको सुविधा रहेको यो फोनमा १६ जीबी र्‍याम र ५१२ जीबी रोमको सुविधा राखिएको छ। ५४०० एमएच क्षमताको ब्याट्री भएको यो फोनको मूल्य १ लाख ३९ हजार ९९९ कायम गरिएको नेपाल वितरकले जनाएको छ।

मंगलबार एक कार्यक्रमका बीच क्रेटस, स्मार्ट टक र वानप्लस मुख्यालयका नेपाल प्रतिनिधि सन याङले नयाँ फोनहरु सार्वजनिक गरे।

यस्तै, टुवेल्भ सिरिजकै अर्को फोन टुवेल्भ आर पनि उत्कृष्ट फोन भएको कम्पनीको दाबी छ। वानप्लस १२ भन्दा मूल्यमा सस्तो भए पनि यसले १.५ के रिजोलुसनमा फोटो भिडियो खिच्न सक्छ। यसको बजार मूल्य ९० हजार ९९९ रुपैयाँ तोकिएको छ। ५५०० एमएएचको ब्याट्री क्षमता रहेको यो फोनमा आठौं जेनेरेसन २ स्न्यापड्रागन प्रोसेसर छ।

बिगर, लाउडर, फास्टर टाइटल नाम दिइएको नर्ड थर्टी एसई बजेट फोन हो। २६ हजार ९९९ रुपैयाँ बजारमूल्य रहेको यो फोन आधारभूत सुविधाका लागि उत्कृष्ट साबित हुने कम्पनीको दाबी छ। यो फोनमा स्टेरियो स्पिकर, डुअल माइक्रोफोन र ५ हजार एमएएच ब्याट्री जडान गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एक किलो एकसय ग्राम सुनसहित एकजना पक्राउ

एनपीएल पहिलो खेलः विराटनगर किङ्स कहाँ चुक्यो?

मलेसियामा बाढीका कारण एक लाख भन्दा बढी मानिस विस्थापित