काठमाडौं- विभिन्न स्थानमा भएका छुट्टाछुट्टै दुर्घटनामा तीन जनाको मृत्यु भएको छ। पछिल्लो २४ घन्टामा मोरङ, कपिलवस्तु र नवलपरासी पूर्वमा भएका सवारी दुर्घटनामा तीन जनाको मृत्यु भएको प्रहरीले जनाएको छ।
मोरङको ग्रामथान गाउँपालिका-२ मा कटहरीबाट झोराहाटतर्फ जाँदै गरेको मे१त ७०५९ नम्बरको ट्याक्टरको ठक्करबाट सोही गाउँपालिका-२ बस्ने १९ वर्षीय पैदलयात्री उपेश सरदारको बुधबार दिउँसो मृत्यु भएको छ। दुर्घटनामा गम्भीर घाइते भएका सरदारको विराटनगरस्थित न्युरो अस्पतालमा उपचारको क्रममा मृत्यु भएको प्रहरीले जनाएको छ।
यस्तै कपिलवस्तुको महाराजगन्ज नगरपालिका-२ बर्गदास्थित सडकमा नम्बर नखुलेको गाडीको ठक्करबाट सोही ठाउँ बस्ने पैदलयात्री नाइम तेली मुसलमानकी छोरी ७ वर्षीया तैहब्बा मुसलमानको बुधबार साँझ मृत्यु भएको छ। ठक्करबाट गम्भीर घाइते भएकी तैहब्बाको जिल्ला अस्पताल तौलिहवामा उपचारको क्रममा मृत्यु भएको प्रहरीले जनाएको छ।
यसैगरी नवलपरासी पूर्व, गैंडाकोट नगरपालिका-६ माईली साईली चोकमा ना१च ३६६७ नम्बरको साइन बोर्डिङ स्कुलको भ्यानको ठक्करबाट पैदलयात्री सोही ठाउँ बस्ने शोभा थापा मगरको छोरा ५ वर्षीय स्वस्थी बाचेको बुधबार दिउँसो मृत्यु भएको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
