काठमाडौं– चलचित्र समीक्षक समाजले (फिक्सन) शुक्रबार अमेरिकन रोमान्टिक ड्रामा ‘पास्ट लाइभ्स’माथि छलफल गरेको छ।
फिक्सनले नियमित गर्दै आइरहेको फिल्म स्क्रिनिङका क्रममा यसपालि ‘पास्ट लाइभ्स’ हेरेर त्यसमाथि छलफल गरिएको आयोजक प्रभाकर गौतमले बताए।
‘अघिल्लो पटक हामीले पाकिस्तानी फिल्म ‘जोयल्यान्ड’माथि छलफल गरेका थियौँ। यसपालि अस्करको बेस्ट स्क्रिन प्ले र बेस्ट पिक्चर विधामा छनोट भएको पास्ट लाइभ हेरेर त्यसमाथि छलफल गर्यौँ,’ गौतमले भने।
फिल्म स्क्रिनिङपछिको अन्तर्क्रियामा अभिनेत्री लक्ष्मी वर्देवा वक्ता थिइन्। उनले ‘पास्ट लाइभ्स’ मानिसको इमोसन मा प्रभाव पार्ने फिल्म भएको बताइन्। ‘यो फिल्ममा न क्लाइमेक्स छ। कथा सरल तरिकाले बगेको छ। तर यसका हरेक सिन र पात्रहरू उतिकै शक्तिशाली छन्। फिल्मले इमोसनको कथा सुन्दर तरिकाले भन्छ,’ वर्देवाले भनिन्।
यो फिल्मलाई कोरियन क्यानडियन अमेरिकन फिल्ममेकर सेलिन सङले निर्देशन गरेकी हुन्। यो उनको डेब्यू फिचर फिल्म समेत हो।
पछिल्लो समय प्रतिष्ठित अन्तर्राष्ट्रिय फिल्म फेस्टिभलहरूमा फिल्मले राम्रो तारिफ बटुलिरहेको छ भने समीक्षकहरूले पनि निकै मन पराइरहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768807389.png)
-1768806257.gif)
-1764146706.png)
