काठमाडौं– ठमेल क्षेत्रका टोले गुण्डा युवराज गुरुङ उर्फ सानुभाइको समूहका एक जनालाई प्रहरीले पक्राउ गरेको छ। ठमेलमा एक व्यक्तिमाथि कुटपिट गरेको आरोपमा एक जनालाई प्रहरी वृत्त दरबारमार्गले पक्राउ गरेको हो।
पक्राउ पर्नेमा सानुभाइ समूहका विश्व लामा रहेको जिल्ला प्रहरी परिसर काठमाडौंका एसपी तथा प्रवक्ता कुमोध ढुंगेलले जानकारी दिए। उनलाई प्रहरी वृत्त दरबारमार्गमा राखेर अनुसन्धान गरिएको छ। फरार रहेका सानुभाइ समेतका व्यक्तिहरुको खोजी भइरहेको प्रहरीले जनाएको छ।
सानुभाइको समूहले शनिबार ठमेलको छाया सेन्टरको प्लेब्वाई क्लबको पार्किङमा एक व्यक्तिमाथि कुटपिट गरेको थियो।
शनिबार भएको घटनाको भिडियो सार्वजनिक भएको छ। जसमा सानुभाइ समेत देखिएका थिए। उनका साथै शेरलाल पौडेल र नुवाकोटकै कमल तामाङले एक युवालाई मरणासन्न हुनेगरी कुटपिट गरेका छन्।
उनीहरू विरुद्ध पीडित युवाले ज्यान मार्ने उद्योग मुद्दामा प्रहरी वृत्त दरबारमार्गमा उजुरी समेत दिएका छन्। पीडितले कुटपिटमा संलग्न सात जनाविरुद्ध उजुरी दिएका हुन्। १ जना पक्राउ परे पनि ६ जना अझै फरार छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
