काठमाडौं– संयुक्त ट्रेड युनियन समन्वय केन्द्रले डेडिकेटेड र ट्रंक लाइनको सम्बन्धमा सरकारले हस्तक्षेप गरी प्राधिकरण र व्यवसायीहरुबीच छलफलको माध्यमबाट समाधान निकाल्न माग गरेको छ।
आइतबार संयुक्त ट्रेड युनियन समन्वय केन्द्रको छैटौं टे«ड युनियन सम्मेलनबाट नवनिर्वाचित अध्यक्ष योगेन्द्र कुँवरले सरकारसँग यस्तो माग गरेका हुन्। उनले नेपाल विद्युत् प्राधिकरणले डेडिकेटेड र ट्रंक लाइनको महशुल वक्यौता रकम उठाउनको लागि उद्योगहरुको लाइन काट्दा हजारौं श्रमिकहरुले रोजगारी गुमाउनु परेको भन्दै सरकारले प्राधिकरण र व्यवसायीहरुबीच संवादको माध्यमबाट समस्या समाधान गर्न माग गरे।
उनले उद्योगी र व्यवसायीहरुबीचको डेडिकेटेड र ट्रंक लाइनको महशुल वक्यौता रकम सम्बन्धि ठूलो समस्या रहेको बताए। उनले व्यवसायीहरु र प्राधिकरणबीचको समस्याले हजारौं श्रमिकहरु सडकमा आउने पर्ने समस्या तत्काल सरकारले समाधान गर्नु आवश्यक रहेको उल्लेख गरे।
उनले डेडिकेटेड र ट्रंक लाइनको महशुल वक्यौता रकम सम्बन्धमा सरकारले हस्तक्षेप गरेर निचोड निकाल्न माग गरे। उनले श्रमिकहरुको समस्या समाधान गर्नु सबैको जिम्मेवारी भएको बताए। उनले युनियनको नेतृत्वलाई श्रमिकको समस्या समाधान गर्ने अवसरको रुप लिएको बताए।
उनले युनियनमा सबैको साथ लिएर समग्र ट्रेड युनियनको मूल्य, मान्यता र आदर्शभित्र रहेर समपर्णका साथ जिम्मेवारी पूरा गर्ने प्रतिबद्धता पनि जनाए।
उनले नेपालको ट्रेड युनियन अधिकार प्राप्तिको लागि राजनीतिभन्दा माथि उठेर ट्रेड युनियनहरुले काम गर्न आवश्यक रहेको बताए। उनले नीतिगत तथा पूर्वाधार निर्माणमा भएको ग्यापका विषयमा समिक्षा गर्न आवश्यक रहेको पनि बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
