बसन्तपुरमा रहेको नेपाल संस्कृत विश्वविद्यालयल बसेको भवन भत्काँइदै

समाज

नेपाल लाइभ बिहीबार, मंसिर ७, २०८० १३:०३

काठमाडौं– बसन्तपुर डवलीको दक्षिणतर्फ रहेको नेपाल संस्कृत विश्वविद्यालको जीर्ण भवन काठमाडौं महानगरपालिकाले भत्काउने भएको छ। काठमाडौं महानगरपालिकाकी उपप्रमुख सुनिता डंगोलको संयोजकत्वमा गठित एक समितिले भवन भत्किएर जुनसुकै समयमा जनधनको क्षति हुन सक्ने भएको जनाउँदै प्राविधिक प्रतिवेदनका आधारमा भत्काउन सिफारिस गरेको हो।

२०७९ फागुन ११ गते बिहीबार बसेको महानगरपालिकाको १३औँ कार्यपालिका बैठकले उपप्रमुख डंगोलको संयोजकत्वमा वडा नम्बर ८ का अध्यक्ष एवं सम्पदा समितिका संयोजक आशामान संगत र वडा नम्बर २३ का अध्यक्ष मचाराजा महर्जन सदस्य रहेको समिति गठन गरेको थियो।

त्रिभुवन विश्वविद्यालय केन्द्रीय विद्यार्थी हित शाखाका नाममा कायम देखिने भवन नेपाल संस्कृत विश्वविद्यालयले प्रयोग गर्दै आएको थियो।

उपमेयर डंगोलले जोखिम हटाउने कामलाई प्राथमिकतामा राखेर जग्गा प्राप्त गर्ने प्रक्रियालाई निरन्तरता दिइने बताएकी छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एमाले इलामको अध्यक्षमा बराल निर्वाचित

राष्ट्रिय कर दिवसः उत्कृष्ट करदाता सम्मानित

मायादेवी मन्दिरमा लुम्बिनी लायन्सको जर्सी सार्वजनिक