प्रधानमन्त्री र राष्ट्रपति निवास क्षेत्रमा पनि निषेधाज्ञा जारी

राजनीति

नेपाल लाइभ मंगलबार, मंसिर ५, २०८० २२:०५

काठमाडौं– मेडिकल व्यवसायी दुर्गा प्रसाईंले राखेको आमसभाको मिति निजिकिँदै गर्दा सरकारले काठमाडौंको सुरक्षा व्यवस्था कडा पारेको छ।

यसअघि माइतीघर मण्डलादेखि बानेश्वरसम्म एक महिनाका लागि निषेधाज्ञा जारी गरेकोमा अब राष्ट्रपति कार्यालय शीतलनिवास र प्रधानमन्त्रीको सरकारी निवास बालुवाटारमा पनि निषेधाज्ञा जारी भएको छ। जिल्ला प्रशासन कार्यालय, काठमाडौंले मंगलबार (मंसिर ५) देखि एक महिनासम्मका लागि निषेधाज्ञा जारी गरेको हो।

शीतलनिवासमा चारैतिरबाट सुरक्षा सतर्कता बढाउँदै प्रशासनले निषेधाज्ञा जारी गरेको हो। पूर्व पवित्र वर्कशपबाट शीतलनिवाससम्म, पश्चिम सामाखुसी निस्कने नालासम्म, उत्तर राष्ट्रिय प्रशिक्षण प्रतिष्ठानको दक्षिण पूर्वी गेटसम्म र दक्षिण प्रहरी अस्पताल जाने मोडसम्म निषेधाज्ञा जारी गरेको जिल्ला प्रशासन कार्यालयले जनाएको छ।

त्यस्तै, प्रधानमन्त्री निवास बालुवाटारमा पवित्र वर्कशपबाट बालुवाटारर्फ नेपाल राष्ट्र बैंकको चोकसम्म र सभामुख निवासदेखि गैह्रीधारा जाने बाटोको पश्चिम दक्षिण सय मिटरसम्म निषेधाज्ञा जारी भएको हो।

सो क्षेत्रमा ५ जनाभन्दा बढी मान्छे भेला भई जुलुस, प्रदर्शन, धर्ना, घेराउ, अनसन, सभा जस्ता आन्दोलन र विरोधका कार्यक्रम गर्न समेत निषेध गरिएको प्रशासनले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित