संयुक्त राष्ट्रसंघका महासचिव गुटेरेस आज न्यूयोर्क फर्कँदै

राजनीति

नेपाल लाइभ बुधबार, कात्तिक १५, २०८० ०९:३१

काठमाडौं- संयुक्त राष्ट्रसंघका महासचिव एन्टोनियो गुटेरेस बुधबार न्यूयोर्क फर्किँदैछन्। नेपालको चार दिने औपचारिक भ्रमण सकेर उनी आज न्यूयोर्क फर्किन लागेका हुन्।

उनी कतार एयरवेजको जहाजमार्फत बिहान १० बजे न्यूयोर्क फर्किने परराष्ट्र मन्त्रालयले जनाएको छ। गुटेरेसले मंगलबार संघीय संसद्‌को सयुक्त बैठकलाई सम्बोधन गरेका थिए।

नेपालमा रहँदा उनले नेपालका विभिन्न नेता गणलाई भेट्नुका साथै विभिन्न स्थानको अवलोकन भ्रमण गरेका थिए। नेपाल बसाइका क्रममा उनले अन्नपूर्ण आधार शिविर, पोखरा र लुम्बिनीको भ्रमण गरेका थिए।

आइतबार राति काठमाडौं आइपुगेका गुटेरेसले राष्ट्रपति रामचन्द्र पौडेल, प्रधानमन्त्री पुष्पकमल दाहाल ‘प्रचण्ड’, सभामुख देवराज घिमिरे, राजनीतिक दलका नेताहरू, मन्त्रीहरू लगायतसँग छुट्टाछुट्टै भेटवार्ता गरेका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सगरमाथा संवादका लागि भारतीय र चिनियाँ प्रधानमन्त्रीलाई निम्तो

रोल्पामा अटो दुर्घटना हुँदा वृद्धको मृत्यु

रुग्ण उद्योग पुनः सञ्चालनको ठोस प्रस्ताव ल्याउन निजी क्षेत्रलाई प्रधानमन्त्रीको आग्रह