काठमाडौं– बलिउडकी चर्चित अभिनेत्री करिना कपुर आजबाट ४३ वर्षकी भइन्।
२१ सेप्टेम्बर १९८० मा मुम्बईमा जन्मेकी करीना कपूरलाई अभिनयको कला विरासतमा मिलेको थियो। उनका बुबा रणधीर कपूर अभिनेता थिए भने उनकी आमा बबिता र दिदी करिश्मा कपूर चर्चित फिल्म अभिनेत्री थिए।
घरमा फिल्मी वातावरण भएकाले करिना प्रायः दिदीसँग सुटिङ हेर्न जाने गर्दथिन्। जसका कारण उनको पनि चलचित्रतिर झुकाव बढ्यो र उनले अभिनेत्री बन्ने सपना पनि देख्न थालिन्। करिना कपुरले सन् २००० मा रिलिज भएको फिल्म ‘रिफ्युजी’बाट अभिनेत्रीको रुपमा आफ्नो फिल्मी करिअर सुरु गरेकी थिइन्।
यस फिल्ममा उनको नायकको भूमिका अभिषेक बच्चनले निभाएका थिए, जुन उनको पहिलो फिल्म पनि थियो। तर, फिल्मले खासै व्यापार गर्न सकेन।
सन् २००१ मा रिलिज भएको फिल्म ‘मुझे कुछ कहना है’ करिनाको करिअरको पहिलो सुपरहिट फिल्म साबित भयो। सन् २००१ मा करीनाले सुभाष घईको फिल्म ‘यादिन’मा काम गर्ने मौका पाइन्। तर यो फिल्म पनि असफल भयो। २००२ साल करीना कपुरको करिअरको लागि महत्वपूर्ण वर्ष सावित भयो।
यो वर्ष उनका ‘जीना सिर्फ मेरे लिए’ र ‘मुझसे दोस्ती करोगे’ जस्ता हिट फिल्म रिलिज भएका थिए। सन् २००३ मा करिनाले सूरज बडजात्याको फिल्म ‘मै प्रेम की दिवानी हुँ’मा काम गर्ने मौका पाएकी थिइन्। यस फिल्ममा ऋतिक रोशन र अभिषेक बच्चन जस्ता स्टार थिए। तर पनि फिल्मले कमा गर्न सकेन।
सन् २००४ मा करिनाको अभिनयको नयाँ आयाम देखियो। त्यो वर्ष करिनाका युवा, चमेली, हलचुल र ऐतराज जस्ता सुपरहिट फिल्म रिलिज भएका थिए। सुधीर मिश्राको निर्देशनमा बनेको चलचित्र ‘चमेली’मा करिनाले आफ्नो दमदार अभिनयले दर्शकको मन जितिन्।
फिल्ममा उनको अभिनयका लागि उनलाई फिल्मफेयर अवार्ड पनि दिइएको थियो। २००६ मा करीना कपूरको सुपरहिट फिल्म ओमकारा रिलिज भएको थियो। विशाल भारद्वाजद्वारा निर्देशित फिल्म ‘ओमकारा’मा दमदार अभिनयका लागि करीनाले फिल्मफेयरबाट क्रिटिक्स अवार्ड प्राप्त गरेकी थिइन्।
सोही वर्ष रिलिज भएको फिल्म ‘डन’मा करिना कपुरले केमियो गरेकी थिइन्। यस फिल्ममा करीनाले हेलेनको सुपरहिट गीत ‘ये मेरा दिल यार का दिवाना’मा डान्स गरेर दर्शकलाई मन्त्रमुग्ध बनाइन्।
सन् २००७ मा रिलिज भएको फिल्म ‘जब वी मेट’ करिना कपूरको करिअरको अर्को सुपरहिट फिल्म साबित भयो। इम्तियाज अली निर्देशित यस फिल्ममा करिनाको अपोजिटमा शाहिद कपूर थिए। दुवैको जोडीलाई दर्शकले निकै रुचाएका थिए। यस फिल्मका लागि करिना कपूरलाई उत्कृष्ट अभिनेत्रीको फिल्मफेयर अवार्ड दिइएको थियो। करिना कपूरको सुपरहिट फिल्म ‘गोलमाल रिटर्न्स’ सन् २००८ मा रिलिज भएको थियो। २००९ मा रिलिज भएको फिल्म ‘थ्री इडियट्स’लाई करीना कपूरको करिअरको सुपरहिट फिल्महरूमा गनिन्छ।
राजकुमार हिरानी निर्देशित यस फिल्ममा आमिर खान करीना कपूरको अपोजिट थिए। ‘थ्री इडियट्स’ बलिउडको इतिहासमा २ सय करोड कमाउने पहिलो फिल्म हो ।
करीना कपूर २०१०मा रिलिज भएको र रोहित शेट्टी द्वारा निर्देशित फिल्म ‘गोलमाल ३’ को लागि सर्वश्रेष्ठ अभिनेत्रीको लागि फिल्मफेयर पुरस्कारमा छनोट भइन्। सन् २०११ मा रिलिज भएको फिल्म ‘बडीगार्ड’लाई करिनाको करिअरको सबैभन्दा सफल फिल्म मानिन्छ।
‘बडीगार्ड’मा करीना र सलमानको जोडी निकै रुचाइएको थियो। सन् २०११ मा करीना कपूरले शाहरुख खानसँग ‘रावन’मा काम गर्ने मौका पाइन्। सन् २०१२ मा रिलिज भएको फिल्म ‘हिरोइन’ सफल हुन नसके पनि उनको अभिनयलाई दर्शकले निकै रुचाएका थिए।
करिना कपुरले सन् २०१२ मा सैफ अली खानसँग विवाह गरेकी थिइन्। सन् २०१३ मा करिना कपूरको ‘गोरी तेरे प्यार मे’ र ‘सत्याग्रह’ जस्ता फिल्म रिलिज भए पनि बक्स अफिसमा खासै कमाइ गर्न सकेनन्।
सन् २०१४ मा करिनाको ‘सिङ्घम रिटर्न्स’ रिलिज भए। बक्स अफिसमा १सय ४० करोड कमाएको थियो फिल्मले। सन् ०१५मा फिल्म ‘बजरंगी भाईजान’ रिलिज भएको थियो। फिल्मले ३ सय २० करोडभन्दा बढीको कमाइ गरेको छ। यसपछि करीनाले ‘कि एन्ड का’, ‘उडता पञ्जाब’, ‘वीरे दी वेडिङ’, ‘गुड न्यूज’ र ‘अंग्रेजी मिडियम’ जस्ता धेरै सफल फिल्ममा काम गरिन्।
करिना कपूर अभिनित फिल्म ‘लाल सिंह चड्ढा’ २०२२ मा रिलिज भएको थियो। ‘जानजान’ र ’द क्रु’ करीनाको आगामी फिल्महरू हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
