गैह्रीगाउँ सामूहिक हत्या प्रकरण : एसएसपी राठौरको नेतृत्वमा ५ सदस्यीय छानबिन समिति गठन

सुरक्षा/अपराध

नेपाल लाइभ शनिबार, भदौ ३०, २०८० १२:५०

काठमाडौं- शनिबार बिहान तीनकुनेस्थित दिव्य सःमिलभित्र धारिलो हतियार प्रहार गरेर एकैपरिवारका ३ सहित ४ जनाको हत्या भएको घटना छानबिनका लागि प्रहरी वरीष्ठ उपरीक्षक (एसएसपी)को नेतृत्वमा पाँच सदस्यीय छानबिन समिति गठन भएको छ।

उपत्यका प्रहरी कार्यालय, रानीपोखरीले हत्या प्रकरणको छानबिनका लागि समिति बनाएको कार्यल प्रमुख दीपक थापाले जानकारी दिए। छानबिन समितिमा समितिका सदस्यहरुमा जिल्ला प्रहरी परिसर, काठमाडौंका डीएसपी हरि खतिवडा, उपत्यका प्रहरी कार्यालयका डीएसपी सुवास खड्का, अपराध अनुसन्धान कार्यालयका डीएसपी सुरक्षा केसी र प्रहरी वृत्त, नयाँबानेश्वरका निरीक्षक वीरेन्द्र केसी रहेका छन्।

शनिबार बिहान तीनकुनेस्थित गैह्रीगाउँमा रहेको दिव्य सः फर्निचर मिलमा चार जनाको शव भेटिएको थियो। मिलमा विभत्स रुपमा हत्या गरिएको अवस्थामा दोलखाका ५५ वर्षीय कुमार भुजेल, उनकी श्रीमती करिब ५० वर्षकी अम्बिका र ७६ वर्षीया आमा सुमित्रा तथा मोरङ बेलबारीका १९ वर्षका नवीन राईको पनि शव भेटिएको थियो।

उक्त घटनामा प्रहरीले धनकुटाका २४ वर्षीय दीपेन्द्र राईसहित चार जनालाई नियन्त्रणमा लिएर अनुसन्धान गरिरहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

खानेपानी तथा सरसफाइको क्षेत्रमा सहयोग गर्न युनिसेफलाई खानेपानीमन्त्री यादवको आग्रह

नाइजेरियामा सडक दुर्घटनामा कम्तीमा ३२ जनाको मृत्यु

सांसद चौधरीविरुद्धको रिट खारेज