तनहुँ– गत साउन ३१ गते बालिकालाई बलात्कार आरोप लागेका तनहुँका एक प्रधानाध्यापकलाई प्रहरीले पक्राउ गरेको छ।
प्रहरीले ऋषिङ गाउँपालिकाको एक विद्यालयका प्रधानाध्यापकलाई सोमबार साँझ दमौली बजारबाट पक्राउ गरेको हो।
विद्यालयमा अध्ययनरत १२ वर्षीया छात्रालाई बलात्कार गरेको आरोप लागेपछि प्रधानाध्यापक फरार हुँदैआएको प्रहरीले जनाएको छ।
घरमा कोही पनि नभएको मौका छोपी बालिका एक्लै भएको अवस्थामा उनले बलात्कार गरेको पीडित परिवारले प्रहरीसमक्ष बताएका छन्।
पीडित पक्षले यसअघि नै प्रअविरुद्व जाहेरी दर्ता गराइसकेको प्रहरीले जनाएको छ। प्रअलाई पक्राउ गरी म्याद थपको तयारी भइरहेको तनहुँका प्रहरी प्रमुख प्रहरी उपरीक्षक अवदेश विष्ट क्षेत्रीले जानकारी दिए।
‘प्रहरीले नियन्त्रणमा लिएर अनुसन्धान थालेको छ’, उनले भने, ‘अन्य कुरा अनुसन्धानबाटै खुल्दै जानेछ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772949758.png)
-1764146706.png)
