काठमाडौं– काठमाडौंको बालुवाटारस्थित ललिता निवासको सरकारी जग्गा हिनमिना गर्दा भएको किर्तेबारे अनुसन्धान गरिरहेको नेपाल प्रहरीको केन्द्रीय अनुसन्धान ब्यूरो (सीआईबी)ले पूर्वप्रधानमन्त्रीद्वय माधव कुमार नेपाल र डा बाबुराम भट्टराईको बयान समेत नलिइ फाइल बुझाउने तयारी गरेको छ।
१४३ रोपनी सरकारी जग्गामध्ये पछिल्लोपटक नक्कली मोही खडा गरी भएको हिनामिनाका क्रममा नेपाल र भट्टराई प्रधानमन्त्री थिए। सर्वोच्च अदालतले समेत नीतिगत निर्णय गर्ने तहमा पनि अनुसन्धान भनेर आदेश दिएको सन्दर्भमा सीआईबीले नेपाल र भट्टराईको बयान नै नलिइ फाइल बुझाउने तयारी गरेको हो।
सरकारी जग्गा व्यक्तिको बनाउँदा सरकारी कागजात तथा दस्तखत किर्ते भएको प्रकरणमा सीआईबीले अनुसन्धान गरिरहेको छ। संगठित रुपमा नै किर्ते भएको कसुरमा सीआईबीले अनुसन्धान गरिरहेको छ। किर्ते र संगठित अपराधको कसुरमा अनुसन्धान गर्न ६० दिनको समय हुन्छ।
६० दिनको समयावधि सकिनै लाग्दा सीआईबीले अनुसन्धान प्रक्रिया टुंग्याएर प्रतिवेदन लेखन थालेको छ।
ललिता निवासको सरकारी जग्गा व्यक्तिको बनाउँदा भएको किर्तेको अनुसन्धान सुरु गरेर सीआईबीले गत १२ गते पहिलोपटक आरोपीहरु पक्राउ गरेको थियो। असार १२ गतेदेखि नै अनुसन्धान सुरु गरेको मिति मानिने हुँदा अब भदौ ९ गतेभित्र अदालतमा मुद्दा टेकाइसक्नु पर्छ।
त्यो भन्दा अघि सरकारी वकिल कार्यालयले पनि फाइल अध्ययन गर्नुपर्ने भएकाले अबको १/२ दिनमै अनुसन्धान प्रतिवेदन जिल्ला सरकारी वकिलको कार्यालय काठमाडौंमा बुझाउने तयारी सीआईबीको छ। फाइललाई अन्तिम रुप दिएको सीआईबीले तत्कालीन प्रधानमन्त्रीद्वयको हकमा भने कुनै सोधपुछ नगर्ने निर्णय गरेको हो।
प्रधानमन्त्रीद्वयको पालामा जग्गा हिनाहिना भए पनि यो प्रकरणमा उनीहरुको कुनै संलग्नता देख्न सक्ने आधारहरु नरहेकाले सोधपुछ कागज नगराउने सीआईबीको निष्कर्ष छ।
यसअघि सर्वोच्च अदालतले नीतिगत निर्णय गर्नेहरुमाथि पनि अनुसन्धान गर्नुपर्ने भन्दै फैसला गरेकाले प्रधानमन्त्रीद्वयमाथि अनुसन्धानका लागि बाटो खुलेको थियो। उनीहरु दुवै जनाले अनुसन्धानमा सहयोग गर्ने बताउँदै आएका पनि थिए।
सीआईबीले तत्कालीन मुख्यसचिव लिलामणि पौडेललाई भने सोधपुछ गरेको थियो। ललिता निवासको जग्गा प्रकरणमा हाल १८ जना सीआईबीको हिरासतमा रहेका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
