हिमाचल प्रदेशमा भारी वर्षाका कारण मृत्यु हुनेको सङ्ख्या ५५ पुग्यो

विश्व

नेपाल लाइभ मंगलबार, साउन ३०, २०८० २०:५६

एजेन्सी– भारतको उत्तरी राज्य हिमाचल प्रदेशमा विगत दुई दिनदेखि परेको भीषण वर्षाका कारण उत्पन्न प्राकृतिक प्रकोपमा परी मृत्यु हुनेको सङ्ख्या ५५ पुगेको छ।

‘अहिलेसम्म राज्यमा करिब ५५ जनाले ज्यान गुमाएका छन्। मृत्यु हुनेको सङ्ख्या बढ्न सक्छ,’ हिमाचल प्रदेशका मुख्यमन्त्री सुखविन्दर सिंह सुखुले भनेका छन्।

हिमाचल प्रदेशमा जुन २४ मा मनसुन सुरु भएदेखि नै भारी वर्षा भइरहेको छ जसले पहिरो र चट्यांङका कारण ठूलो विनाश निम्त्याएको छ। सोमबार समर हिलमा रहेको एउटा मन्दिर पहिरोमा परी भत्किएको थियो। उक्त पहिरोमा ३० देखि ३५ जना भित्र फसेको अनुमान गरिएको राष्ट्रिय प्रकोप प्रतिक्रिया बलका अधिकारी नफीस खानले बताएका छन्।

घटनास्थलबाट ११ जनाको शव निकालिएको छ भने अन्यको खोजी कार्य जारी रहेको छ। सरकारले उपलब्ध गराएको विवरण अनुसार सोमबार साँझसम्म राज्यभर २८३ जनाको ज्यान गएको छ भने ३०४ जना घाइते भएका छन्। ३३ जना बेपत्ता छन्।

राज्यको आपतकालीन सञ्चालन केन्द्रले विपद्का कारण राज्यमा ८५७ सडक बन्द गरिएको जनाएको छ। भारतको मौसम विभागले मंगलबार हिमाचल प्रदेशमा आगामी दुई दिनसम्म भारी वर्षा हुने सम्भावना रहेको जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

नोरा फतेही काठमाडौँमा, हायात ग्राउण्डमा उनी सहित नेपाली कलाकारले प्रस्तुती दिने

कांग्रेस संसदीय दलको बैठक बस्दै

आज मदन–आश्रित स्मृति दिवस विभिन्न कार्यक्रम गरी मनाइँदै