सरकारको एकनिष्ठ उद्देश्य- सुशासन, सामाजिक न्याय र समृद्धि: उपप्रधानमन्त्री श्रेष्ठ

राजनीति

नेपाल लाइभ सोमबार, साउन २९, २०८० १९:४४

काठमाडौं– उपप्रधान एवम् गृहमन्त्री नारायणकाजी श्रेष्ठले सरकार सुशासन, सामाजिक न्याय र समृद्धिको एकनिष्ठ उद्देश्यमा अगाडि बढिरहेको बताएका छन्।

गृह मन्त्रालय र अन्तर्गतका निकायहरूको आव २०७९/८० को चौथो त्रैमासिक/वार्षिक समीक्षा तथा मन्त्रालयस्तरीय विकास समस्या समाधान समितिको बैठकलाई सोमबार सम्बोधन गर्दै उनले उक्त कुरा बताएका हुन्।

‘गुणात्मक आर्थिक सामाजिक समृद्धिका लागि सुशासन पहिलो शर्त हो,’ बैठकमा गृहमन्त्री श्रेष्ठले भने, ‘त्यसैले भ्रष्टाचार, अराजकता, दण्डहीनता र ठगी जस्ता अपराधको नियन्त्रण अहिलेको मूल प्राथमिकता हो।’

गृह मन्त्रालय र प्रहरी, अध्यागमन, विपद् जोखिम, परिचयपत्र पञ्जीकरणलगायत मातहतका सबै निकायहरूको कामलाई निरन्तर समीक्षासहित अझ व्यवस्थित तथा मर्यादित बनाइने र समग्र सुधार योजना बनाएर अगाडि बढिने मन्त्री श्रेष्ठले बताए।

बैठकमा मन्त्रालय र अन्तर्गतका निकायका काम तथा योजनाहरू प्रस्तुत गरिएका थिए। र, त्यसबारे अन्तरक्रियात्मक समीक्षा भएको थियो। राष्ट्रिय योजना आयोगका उपाध्यक्ष मीनबहादुर श्रेष्ठ, प्रधानमन्त्री तथा मन्त्रिपरिषद् कार्यालय, अर्थ मन्त्रालय र योजना आयोगका प्रतिनिधिको बैठकमा सहभागिता थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

वुमन्स च्याम्पियनसिप: नेपाल उपविजेतामै सिमित, म्यानमारसँग २–० गोलले पराजित

दुई मिनेटको अन्तरालमा म्यानमारद्वारा नेपालको पोष्टमा दुई गोल

बादलले नैतिक धरातलबाट गिरेर जनयुद्ध हिंसा हो भने : देवेन्द्र पौडेल