काठमाडौं– सदनको अवरोध हटाउने बारे छलफल गर्न बसेको प्रमुख दलका शीर्ष नेताहरुको बैठकमा सहमति जुट्न सकेन।
सभामुख देवराज घिमिरेको निमन्त्रणामा तीन दलका शीर्ष नेताहहरु छलफलमा बसेका थिए। सिंहदरबारस्थित सभामुखको कार्यकक्षमा भएको छलफलमा सदनको अवरोध हटाउने विषयमा सहमति हुन नसकेको बैठकमा सहभागी नेताले बताएका छन्।
नेपाली कांग्रेसका सचेतक रमेश लेखकले भने बैठकमा सकारात्मक कुरा भएको बताए। सदनको अवरोध हटाउने विषयमा सबै दलहरु सकारात्मक भएको उनको भनाइ छ। साथै प्रतिनिधि सभाको बैठक ४ बजेसम्मका लागि स्थगित गरिएको छ।
बैठक फेरि साढे तीन बजे संघीय संसद् भवन बानेश्वरमा बस्नेगरी टुंगिएको छ। बैठकमा प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्ड, प्रमुख प्रतिपक्षी दलका नेता तथा नेकपा एमालेका अध्यक्ष केपी शर्मा ओली र कांग्रेस सभापति शेरबहादुर देउवाबीच छलफल भएको थिए।
तीनै दलका प्रमुख सचेतक र सचेतकहरु पनि बैठकमा सहभागी रहेका थिए। सदनको अवरोध हटाउनका लागि छलफलमा सभामुख देवराज घिमिरेले तीन प्रमुख दलका शीर्ष नेताहरुलाई बोलाएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
