नयाँ दिल्ली (एजेन्सी) – पछिल्लो पटक राजकुमार रावसँग 'न्यूटन' फिल्ममा अभिनेत्री अञ्जली पाटिल अहिले तमिल फिल्म 'काला' को सुटिङमा व्यस्त छिन्।
रजनीकान्तको यो फिल्ममा अञ्जली महत्वपूर्ण भूमिकामा देखा पर्नेछिन् । उनका अनुसार, 'काला' फिल्ममा खेल्न स्वीकार गर्नुको कारण उनी सुपरस्टार रजनीकान्त अभिनीत फिल्मको हिस्सा बन्न चाहन्थिन् । फिल्मको निर्देशन पा. रञ्जितले गरिरहेका छन्।
अञ्जलीले रजनीकान्तसँग फिल्ममा काम गर्न पाउँदा निकै खुसी व्यक्त गरेकी छिन् । उनले भनेकी छिन्, 'यो फिल्म खेल्ने सम्झौता गर्दा मलाई थाहा थियो, यो मैले आफ्नो योग्यता साबित गर्नुपर्ने फिल्म होइन । रजनीकान्तको फिल्मको हिस्सा बन्ने कुराले मात्रै म उत्साहित थिए । म अनुभव गर्न चाहन्थेँ, यति हस्ती कलाकारसँग काम गर्दा कस्तो अनुभव हुन्छ।'
सुपरस्टारसँग काम गर्दाको अनुभव सुनाउँदै अञ्जलीले परीकथाको हिस्सा बन्नु जस्तै महसुस भएको बताएकी छिन् । उनी भन्छिन्, 'रजनीकान्त धेरै गजब छन् । यस्तो व्यक्तिलाई तपाईं परीकथामा मात्र देख्न पाउनुहुन्छ । उनी आफ्नो वरिपरिका सबै मानिसको हित चिताउँछन्।'
'काला' फिल्म अञ्जलीको पहिलो तमिल फिल्म हो । उनले तमिल फिल्म उद्योगमा जोडिन पाउनु निकै फरक कुरा भएको अनुभव समेत बाँडेकी छन्।
रजनीकान्तका ज्वाइँ धनुषले निर्माण गरेको यस फिल्ममा नाना पाटेकर, पंकज त्रिपाठी र हुमा कुरैशी पनि देखिनेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
