काठमाडौं- राष्ट्रिय परीक्षा बोर्डले कक्षा ११ मा भर्नाका लागि माध्यमिक शिक्षा परीक्षा, कक्षा १० को अध्ययन पूरा गरी एसईईको परीक्षाफलमा न्यूनतम औसत ग्रेड प्वाइन्ट (जीपीए) १ दशमलव ६ प्राप्त गरेका विद्यार्थी योग्य हुने जानकारी गराएको छ।
राष्ट्रिय पाठ्क्रम विकास तथा मूल्याङ्कन परिषद्को २०७९ भदौ १९ को बैठकको निर्णयअनुसार पाठ्यक्रम विकास केन्द्र, सानोठिमीले गरेको पत्राचारका आधारमा बोर्डले सोबारे सूचित गरेको हो।
बोर्डको बाग्मती प्रदेश कार्यालयले आइतबार कक्षा ११ सञ्चालन गरिरहेका शिक्षालयका प्रधानाध्यापकलाई पत्र पठाई सोही अनुसार भर्ना गर्न र गराउन भनेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
