विवादित बनेपछि 'आदिपुरुष'को कमाइमा दोस्रो दिन नै ४० प्रतिशत गिरावट

समाचार

नेपाल लाइभ सोमबार, असार ४, २०८० १०:२५

मुम्बइ- भारतीय फिल्म 'आदिपुरुष' विवादित बनेपछि दोस्रो दिन नै कमाइमा ठूलो गिरावट आएको छ। पहिलो दिन विश्वव्यापी रुपमा कमाइ १४० करोड रुपैयाँ कमाएको फिल्मले दोस्रो दिन १०० करोड मात्रै कमाएको छ।

दोस्रो दिन पनि अग्रिम बुकिङका कारण धेरै कलेक्सन भइरहेको भारतीय सञ्चारमाध्यमले जनाएका छन्। अग्रिम बुकिङका कारण उक्त फिल्मले पहिलो दिन विभिन्न रेकर्ड बनाएको थियो।

नेपालका साथै भारतमा समेत संवादका कारण उक्त फिल्ममाथि विवाद भइरहेको छ। फिल्मको सामाजिक सञ्जालमा भइरहेको विरोधले कलेक्सनमा असर परेपछि निर्माता तथा लेखकले माफी मागेका छन्। केही संवाद सच्याउने प्रतिबद्धता जनाएका छन्।

नेपालको काठमाडौंमा सोमबारदेखि उक्त फिल्मका साथै भारतीय फिल्म चल्न नदिने मेयर बालेन शाहको घोषणा छ। निर्माताले पत्र लेखेर उनीसँग माफी मागेका छन्। सीता भारतकी छोरी भएको देखाउने आफ्नो नियत नरहेको उल्लेख गर्दै कलात्मक दृष्टिबाट हेरिदिन अनुरोध गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

चाडपर्वले राष्ट्रिय एकतालाई थप मजबुत बनाउन सहयोग पुग्छ : राष्ट्रपति पौडेल

एमालेको सचिवालय बैठक आज बस्दै

हाइटीमा पत्रकार सम्मेलनका क्रममा गोली प्रहार, दुई पत्रकारसहित तीन जनाको मृत्यु