सिन्धुली दुर्घटना अपडेट : सुनकोशी नदीबाट निकालिएका दुई जनाको सनाखत

समाचार

नेपाल लाइभ मंगलबार, जेठ २३, २०८० २१:२९

काठमाडौं– सुनकोशी नदीमा बेपत्तामध्ये मंगलबार निकालिएका दुई जनाको सनाखत भएको छ। सीटीइभीटीका प्रशासन महाशाखा निर्देशक सह-सचिव ५७ वर्षीय कृष्ण बीसी र विद्युत प्रशिक्षक ३२ वर्षीय भानु पौडेलको पहिचान भएको हो।

मंगलबार सुनकोशी नदीमा खसेको सीटीईभीटीको गाडी भेटिएको थियो। गाडीसँगै २ जनाको वटा शव भेटिएको जिल्ला प्रहरी कार्यालय सिन्धुलीका एसपी राजकुमार सिलवालले जानकारी दिए।

सशस्त्र प्रहरीको विपद् व्यवस्थापन तालिम शिक्षालय कुरिनटारबाट इन्सपेक्टर सुबाश थापाको कमान्डमा खटिएको गोताखोर टोलीले सुनकोशीबाट गाडी र २ वटा शब बाहिर निकालेको हो।

सुनकोशी नदीमा पूर्वी नवलपरासीको प्रगति–७ घर भएका योजना महाशाखा निर्देशक ५६ वर्षीय यमप्रसाद भुर्तेल अझै बेपत्ता रहेका छन्।

सशस्त्र प्रहरी बलको गोताखोर टिमले अझै खोजी कार्य गरिरहेको छ। सो क्रमममा गाडीका चालक भने पौडिएर बाहिर निस्केका थिए। बाँकी ३ जना सीटीईभीटीका कर्मचारी भने बेपत्ता थिए।

गाडीसँगै नदीमा खसेका गाडीका चालक कृष्ण चौधरी घाइते अवस्थामा आफैं पौडिएर निस्किएका थिए। बा१झ ७४६७ नम्बरको सीटीईभीटीको जिप भक्तपुरबाट खोटाङ जाने क्रममा शुक्रबार दिउँसो मध्यपहाडी लोकमार्गको खुर्कोट–घुर्मी खण्डअन्तर्गत गोलन्जोर गाउँपालिका–७ को लौकुनबाट सुनकोशी नदीमा खसेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बढ्दै गएको चिसो पेयको लत: हरेक घुट्कीले घटाइरहेको छ आयु !

‘एसियन हाइवे’ निर्माणले गति लिँदै

युवतीसँग होटलमा बसेका युवकको मृत्यु, युवती र होटल सञ्चालक पक्राउ