अर्थमन्त्रीको विरोध होइन, देशको हालतप्रति आँसु बगाएको हो : ओली

समाचार

नेपाल लाइभ मंगलबार, जेठ २३, २०८० १५:१६

काठमाडौं- नेकपा एमालेका अध्यक्ष केपी शर्मा ओलीले सदनमा आफूले गरिरहेको अर्थमन्त्री प्रकाशशरण महतको आलोचनालाई उनको विरोध नभएको बताएका छन्।

'यहाँ अर्थमन्त्रीको विरोध गर्नुपरेको होइन। अर्थतन्त्रको जुन बेहाल भइरहेको छ। त्यसमा आँसु बगाएको हो हामीले। देशप्रति दुःख व्यक्त गरेको हो। यसकारण जनता र देशले बेहोर्नुपरेको बेहालप्रति हामीले दुःख मनाउ गरेको हो। सरकारलाई यसप्रति सजग गराउन खोजेको हो', उनले भने।

यही जेठ १५ गते प्रस्तुत बजेट वक्तव्यमाथि सुरु भएको सामान्य छलफलका क्रममा ओलीले प्रतिनिधि सभामा आफ्नो धारणा राखिरहेका छन्।

उनले बजेट प्रस्तुती नै शुद्ध नहुने गरेको बताए। 'कहाँकहाँबाट अशुद्ध पस्छ यसमा? कहाँकहाँबाट बिचौलिया पस्छ यसमा?', उनले भने।

उनले हरेक क्षेत्रमा बिचौलिया पस्ने गरेको बताए। 'कस्तो स्थिति बन्यो भने कुनै ठाउँमा पनि, जहाँ पनि न्यायमा बिचौलिया पस्छ, आर्थिक क्रियाकलापमा बिचौलिया पस्छ, सेवा सुविधा पाउने ठाउँमा बिचौलिया पस्छ। विकासका प्रश्नहरुमा बिचौलिया पस्छ। कस्तो हो? हामी किन नियन्त्रण गर्ने संकल्प गर्न सक्दैनौँ? नियन्त्रण गर्नुपर्छ, बिना कम्प्रोमाइज गर्नुपर्छ', उनले भने।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बढ्दै गएको चिसो पेयको लत: हरेक घुट्कीले घटाइरहेको छ आयु !

‘एसियन हाइवे’ निर्माणले गति लिँदै

युवतीसँग होटलमा बसेका युवकको मृत्यु, युवती र होटल सञ्चालक पक्राउ