सुरक्षा/अपराध

टोपबहादुर रायमाझी प्रहरी वृत्त सोह्रखुट्टेको हिरासतमा, सोमबार अदालतमा उपस्थित गराइँदै

नेपाल लाइभ सोमबार, जेठ १, २०८० ०७:४९

काठमाडौं– नक्कली भुटानी शरणार्थी बनाएर अमेरिका पठाइदिने भन्दै नेपाली नागरिकबाट पैसा उठाएर भएको ठगी प्रकरणमा संलग्न भएको आरोपमा पक्राउ परेका नेकपा एमालेका नेता टोपबहादुर रायमाझीलाई प्रहरी वृत्त सोह्रखुट्टेक हिरासतमा राखिएको छ।

काठमाडौंको तीनकुनेस्थित कान्तिपुर अस्पतालमा स्वास्थ्य परीक्षण गरी रायमाझीलाई प्रहरी वृत्त सोह्रखुट्टेमा राखिएको हो। रायमाझी आइतबार साँझ प्रहरीले बुढानीलकण्ठको पासीकोटबाट पक्राउ गरेको थियो।

रायमाझीलाई सोमबार जिल्ला अदालत काठमाडौंमा उपस्थित गराइने छ। थप अनुसन्धानका लागि म्याद अनुमति लिन रायमाझीलाई अदालतमा उपस्थित गराइन लागिएको हो।

रायमाझीको नाममा वैशाख २० गते पक्राउ पुर्जी जारी भएको थियो।

यो पनि पढ्नुहोस

हिजो मात्रै आएका थिए टोपबहादुर काठमाडौं, १० दिनसम्म कहाँ लुकेका थिए?

त्यसदिन उनी अर्घखाँचीमा आयोजित एक कार्यक्रममा सहभागी भएका थिए। त्यसैदिन बेलुका काठमाडौं फर्किने समयतालिका रहेको भए पनि उनी सम्पर्कविहीन थिए।

उनका छोरा सन्दीप रायमाझीलाई भने प्रहरीले त्यसै दिन (वैशाख २० गते) पक्राउ गरेको थियो। नेकपा एमालेले बुधबार मात्रै रायमाझीलाई सचिव पदबाट निलम्बन गरेको थियो।

उनीमाथि नेपाली नागरिकलाई नक्कली भुटानी शरणार्थी बनाएर अमेरिका लैजाने भन्दै ठगी गर्ने गिरोहलाई सघाएको आरोप छ।

वैशाख २० गते नेपाल लाइभसँग कुरा गर्दै रायमाझीले आफूमाथि षडयन्त्र भएको बताएका थिए।

नक्कली भुटानी शरणार्थी बनाएर अमेरिका पठाइदिने भन्दै नेपाली नागरिकबाट पैसा उठाएर भएको ठगी प्रकरणमा हालसम्म रायमाझीसहित १३ जना पक्राउ परेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

समाजवादी मोर्चासँग तत्काल सहकार्यको सम्भावना नरहेको अध्यक्ष यादवको भनाइ

यू- १९ महिला विश्वकपः नेपाल ५ विकेटले पराजित

उपकरण राख्ने स्थान र जनशक्तिको सुनिश्चितता भएपछिमात्र बजेट विनियोजन गर्नुपर्ने