काठमाडौं- नेकपा एमालेका अध्यक्ष केपी शर्मा ओलीले नक्कली शरणार्थी प्रकरणमा आफ्नै पार्टीमा रहेका व्यक्ति र हिजो आफ्नै सरकारमा रहेका मानिसहरुको नाम आएको भन्दै जोसुकैको नाम आओस् दोषी रहेछ भने कारबाही हुनुपर्ने बताएका छन्।
पार्टी कार्यालय च्यासलमा सुरु भएको केन्द्रीय कमिटी बैठकमा बोल्दै उनले सरकारले रोक्न नसक्ने गरी सतहमा आएपछि यो प्रकरण सार्वजनिक भएको दाबी गरे।
‘भ्रष्टाचार विभिन्न ठाउँमा भइरहेको छ। त्यसको ढाकछोप गर्ने र नबोल्ने हुँदै आएको छ,’ उनले भने, ‘भ्रष्टाचार विरुद्ध आवाज उठाउनु नै गलत हो भन्ने जस्तो भएको छ।’
नक्कली शरणार्थी प्रकरण अहिले रोक्न नसकिने गरी यस्तो परिस्थिति आयो, जसले भ्रष्टाचार सतहमा आएको दाबी उनले गरे। नक्कली शरणार्थी प्रकरण जेसुकै गरे पनि कसैले रोक्न नसक्ने भएपछि सतहमा आएको ओलीको दाबी छ।
‘जबसम्म दोषी ठहर हुँदैन, हामी दोषी नै हो भनेर करार हामी गर्न सक्दैनौं। यसमा अदालतले फैसला गर्नुपर्छ,’ उनले भने, ‘हामी हेरिरहेका छौं। कसैलाई फसाउन अर्कातिर सुई देखाउने प्रयास भइरहेको देखेका छौं। अखबारी हल्ला चलाउने र निराधार र आग्रही ढंगले एमालेका विरुद्ध प्रचार भएको छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779634726.png)
-1764146706.png)
-1775812183.jpg)
-1779545841.jpg)
