फरार सांसद टोपबहादुर रायमाझीले संसद्लाई पठाए बिरामी भएको पत्र

राजनीति

नेपाल लाइभ बुधबार, वैशाख २७, २०८० १४:५०

काठमाडौं– नेकपा एमालेका सचिव (निलम्बित) तथा सांसद टोपबहादुर रायमाझीले आफू बिरामी रहेको पत्र संसद् सचिवालयलाई पठाएका छन्। उनले आफू उपचाररत रहेकाले संसद्‌मा उपस्थित हुन नसकेको पत्र पठाएको संसद् सचिवालयका प्रवक्ता एकराम गिरीले पुष्टि गरेका छन्।

निरन्तर १० बैठकमा उपस्थित हुन नसकेपछि निलम्बनमा पर्ने भएकाले रायमाझीले उक्त पत्र पठाएका हुन्। नक्कली भुटानी शरणार्थी प्रकरणमा आफूविरुद्ध पक्राउ पूर्जी जारी भएपछि रायमाझी फरार छन्। रायमाझीका छोरा सन्दीप रायमाझी हिरासतमा छन्।

नक्कली भुटानी शरणार्थी बनाएर ठगी गरेको प्रकरणमा प्रहरीले पूर्वगृहमन्त्री बालकृष्ण खाण समेतलाई पक्राउ गरेको छ। रायमाझीलाई एमालेले पदबाट निलम्बित गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अमेरिका र रोमानिया पठाइदिन्छु भनी ठगी गर्ने दुई जना पक्राउ

‘भलमन्सा’ चुन्ने चटारोमा थारू समुदाय

नेपाली सेनाको अधिकृत हुँ भन्दै ठगी गर्ने युवक पक्राउ